Nohsynniang ka Khliehriat BCC sha ka shnong Iongkaluh

Khliehriat,K.Lyngkot 13: Ka Khlehriat Block Congress Committee kala airap noh synniang bad ai sngewbha sha ka Iakyrshanlang Village Organisation (VOs) kaba don haka shnong Iongkaluh da ki shuki plastic bad kiwei kiwei de. Hakane ka sngi la don ka jingialang kaba rit haka Community Hall jong ka Shnong Iongkaluh bad la pyniaid da ka Kong Betrin Kyndiat ka President Ka Village Organisations (VOs), Iongkaluh.

Hakane ka sngi la ioh ka jingkren pdiang da ka Kong Ieitlang Dkhar (Secretary ka Village Organizations (VOs), Iongkaluh. La ioh ka jingkren hakane ka sngi da u Ma Piwel Shylla uba dei U working President ka Khliehriat Block Congress Committee bad na U Ma Pheinlang Siangshai Uba dei u Vice President ka Khliehriat Block Congress committee bad kumjuh da U President ka Khliehriat Block Congress committee U Ma Deibormi syad.

Ula pynkymmaw ba kane ka por ym dei Shuh ka por ban ngin iakren ne leh politic hynrei ka dei ban por ban iarap bad lehsynei katba khot ka bor sha kiba duk bad kiba donkam. Kumjuh ruh ula kyntu ia ki nongialam bad ki Dkhot jong ka village Organisations bad kin long ki briew kiba khuid haka rukom treikam (transparency) bad kiba iatylli khnang ba kino kino ki jingthmu jong ka Village Organisations (VOs) kin long kiba jop.

Ula ong ruh kum kine ki jait sengtreimon sngewbha ki long ki rishotbah ban tei bad kyntiew iaka imlang sahlang bad ka RI bad Jaitbynriew. Ula pynkymmaw ruh ia ka nongrim jongka party ka iengskhem triang haduh mynta khlem kano kano ka jingkylla. La aiti iakine ki plastic Shuki bad kiwei kiwei haka kong Betrin Kyndiat bad Ieitlang Dkhar (President & Secretary ka Iakyrshanlang Village Organizations, Iongkaluh)

La iadonlang hakane ka sngi U Ma Gerald Phawa ( Secretary ka Block), U Thynda Sana (U Working President ka Block)U Ma Bhalang Bang (U Dkhot ka Executive Committe)Iakane ka kyrwoh la pyllait da u working President U Ma thynda Sana.

What Next?

Recent Articles

Leave a Reply

Submit Comment

*