Shillong, Iaiong 02: U Superintending Engineer jong ka tnad sam um ba dei na ka, Greater Shillong Circle, Shillong u la pyntip paidbah namar ba kala don ka jingbethei jong u pipe um 750 mm ha Lad Mawreng ha ka 01.04.2018, kan nym don ka jingpoi um na katei ka GSWSS haduh ka 03.04.2018.
Ki jaka ki ban sah ktah ha kane ka jingbym ioh um kin long ki bynta jong ka Shillong Municipal Board, ka Shillong Cantonment Board, ka Nongthymmai bad ka Mawlai. Na ka liang jong ka PHE kan ia leh katba lah ban pynioh ia ka um la shai ka sngi por jan miet.
