Nongpoh, Naitung 25: Ka kynhun jong ki rangbah shnong ka Raid Nongtung mynta ka sngi kila leit ban ia kynduh ia u Deputy Commissioner jong ka Ri Bhoi District ha Nongpoh bad ha kane ka jingleit ia kynduh kila ai da ka jingthoh ba ki khasi kim kwah ban shim ia ka EPIC jong ka jylla Assam kumba la tyrwa.
Ha kane ka dorkhas kaba la ai sha u DC mynta ka sngi kiba don haduh phra tylli ki shnong kila iathuh ha u DC ba ki bor jong ka tand Election na Assam bad ki politician ki wan sha ki shnong jong ki ban kyntu ia ki ba kin shim ia kane ka EPIC n aka jylla Assam hynrei ha ka jingialang kaba kila long ha ka 20 tarik mynta u bnai ki la shim ia ka rai ba kin nym pdiang da lei lei.
Ha kane ka jingthoh la ong ba ka dei shisha shuwa ban ioh ia ka jylla Meghalaya ki vote hapoh ka jylla Assam, hynrei tang ha ka Election MDC sha ka United KHasi and Jaintia Autonomous Council ha u snem 1966 bad 1972 ruh ki dang thep vote ha ka 2-Nongpoh District Council.
Dei ha dien ba la ioh ia ka jylla Meghalaya ha u snem 1972 ba kane ka jaka ka don hapdeng ka jingiaknieh bad kine ki shnong ki kyntup ia ka, Sabuda, Iatalong, Khlieh Umwang, Mawpud, Itpatung, Pdeng Tleit, Umjaktah, Umru, hynrei ha katei ka snem kine barohkihap hapoh jong ka Mawhati Constituency ha Meghalaya.
Dei tang ha ka jingbum tip bad ka jingtieng ioh duh noh ia ki jaka, kum ki jaka rep jaka riang bad ka jingpynbor na ka jylla Assam namar kane ka thain ka don ha pdeng ka jingiakajia ki briew ki sa thep vote ar jaka, hynrei ha u snem 2012 haba u heh jong ka Election Commission jong ka Ri India u Shankar Brahma u la ong ban don ar tylli ki kyrteng thep vote ka long beain.
Dei halor jong kane ba ki sa shim ia ka rai ban don noph tang ia ka dur thep vote jong ka jylla Meghalaya bad la pynrung kyrteng ruh ha ka tand elelction jong ka ophis u DC Ha Nongpoh. Katba ka jylla Assam kala pynrung kyrteng ia ki ha u snem 1985 bad 86, bad ha u snem 2013 ruh ka dang pyrshang ban pynbor ia ki briew kane ka thain ba kin shim i aka EPIC na Assam ruh ha kaba ki paidbah na kane ka thain kila ieng ban ia leh pyrshah.
Hynrei ha ka 14 tarik mynta u bnai ki heh jong ka sorkar Assam na ka tand elelction bad ki politician kila wan sha kitei ki shnong bad tyrwa biang ia ki ia kane ka EPIC jong ka jylla Assam, ha kaba kum ki paidbah kila pyrshah jur ia kane ka jingleh, na ka liang jong ki rangbah shnong kila dawa na u DC ba un tuklar lem ia kane ka kam.(SP News)
