Ong ki saw seng ia ka sorkar: Wat shah ki briew ba nabar kin wan mushilai ia ka Them Motor

Shillong, Jylliew 19: Ka jing iai bteng jong ki sikh  kiba na shabar ka jylla ban wan iuh kjat ha nongbah shillong ban tuklar iaka ishu them metor,ka dei ka lynti jong ka jingai ding bad theh petrol ia ka ding ba lah klang lypa bad halor kane ka bynta na ka liang ki saw tylli ki seng KSU,FKJGP,HNFY,RBYF.

Na ka liang jong ki saw seng ki sngew ban ong ba kane ka kam ka dei ka kam poh iing jong ka sorkar jylla bad ka dei ka kamram jong ka sorkar jylla kumno ban pynbeit halor kane ka ishu kaba lah sah kut mynta da ki phew snem.

Hynrei ka jingiai bteng ban wan tuklar ,wan mushlia jong ki briew kiba na sha bar ka long ka kam kaba kim lah satia ban pdiang dalei lei ruh bad imat kine ki briew ki wad ia ka lynti jong ka jingia  huri hura bad ki kwah ban ia pyni bor ne ki kwah ban wanrah iaka jingia kynat.

Na ka liang ki saw seng ki kren da ka ba shai kdar sha kine ki briew ba kim dei ban wan mushlia bad wan ai ding ioh ka jingia kynat  kan bthei khlem artatien bad Ki dei ban sngewthuh iaka ishu ym ban wan kynshoit  na ka sngi sa sha ka sngi.

Ka sorkar ka lah thaw iaka High Level Committee ban pynbeit ia kane ka mat hynrei ma ki pat i kumba kim khein wat iaka sorkar jylla ruh bad i kumba ki rai ki shynshar ma ki ia ka jylla Meghalaya.

Ki sawa seng ki kwah ban kren shai sha ka sorkar ba kam dei ban shah pyniaid ha kine ki briew kiba wan na shabar haka syrngiew jong ka jing sngewkhia namar kim donhok satia ban wan batai stad iaka kam iing jong ka jylla.

Kyntang ia wai ka kyrwoh kaba shai na ki saw seng sha kine ki briew kiba wan mushlia na sha bar ka long,yn nai wan ai ding yn nai wan mushlia ia ki kam iing  bad kam dei ka kamram jong ki ban wan rai ia kaei kaba dei ban leh bad ia kaei kaba ym dei ban leh.

Wat wan shim kabu iaka jingjai jai jong ki dkhot ka jaitbynriew ioh ka jingbitar kan wan bad ka jing kynat kan bthei  bad lada kum kata ka kyllimat kan jia ma ki hi kin shim iaka jing kitkhlieh namar ma ki hi kiba sdang bad iai kynshoit man ka sngi.

Ka sorkar jylla ruh ka dei ban sngewthuh ia kane ka kam ym ban shu sngap ba kin wan leh stad ma ki katba ki mon bad lada ka sorkar ruh ka sngap mut ka don ka jingia sylla kaba shyrkhei narieh narieh.

Ka sorkar kadei ban leh sted wut wut ban pynkynriah noh ia ki briew kiba sah ha them metor khlem da pynslem bad kam dei ban ailad ia kine ki briew kiba na sha bar ba kin iai bteng ban wan mushlia na khmat na khmat halor kane ka ishu,ioh kane ka kam kan poi sha ka lynti jong ka jing ia umsnam.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet