Pakhang surok ki paidbah ha Shnong Mawtap ba khang ka PWD ban shna ia ka lynti iaid kjat

Shillong, Jylliew 13: Ka shnong Mawtap, kaba dei kawei na ki kyntoit jong ka shnong Sohiong kila pynlong ia ka jingpakhang surok mynta la ar sngi lynter ban pyrshah ia ka jingleh jong ka tnad PWD jong ka sorkar jylla ha kaba kala khang ban shna ia ka lynti iaid kjat ha rud jong ka sorkar PWD ha dien ba kala dep ban ai ia ka jingthoh ba kam don jingujor ei ei ban shna ia ka lynti iaid kjat.

Katkum ka jingtip kaba la ioh da u SP News Agency, la ong ba ka jingshna ia kane ka Lynti iaid kjat hapoh jong katei ka shnong ha rud jong ka Surok jong ka PWD kala dep ban shna marshiteng, kaei kaba pynlyngoh ia ki paidbah nongshong shnong ka long ba ka PWD mynta ka wan ban khang ban nym shah shuh ban trei ia kane ka lynti iaid kjat.

Na ka liang jong ki paidbah ka shnong Mawtap kila bitar bad kila pynlong ia ka jingpakhang surok ha kaba sym la shah ban iaid ia ki kali lyngba kane ka surok sohiong, kane ka jingpakhang surok ka long ban pyrshah ia ka jingleh jong ka PWD kaba la dep ai jingbit mynshuwa bad mynta pat  ka PWD ka wan ban khang ban shna ia kane ka lynti iaid kjat.

U Deputy Commissioner jong ka East Khasi Hills u Bah PS Dkhar haba kren ha u SP News Agency u la iathuh ba u la ioh ia kane ka jingtip ba ka don kata ka jingiapakhang surok hapoh ka shnong Sohiong-Mawtap bad na ka liang jong u la bethah ia u Engineer ba dei peit ia katei ka thain ba un leit la shai ka sngi ban ia kynduh ia ki paidbah ban ia pynbeit ia kane ka jingeh.

What Next?

Recent Articles

Leave a Reply

Submit Comment
*