Palat 300 tam ki paidbah ha Mawkynrew ki ioh jingmyntoi na ka jingai sumar ei mynta ka sngi

Shillong, Risaw 02: Ka Seng Kynthei Katholik, Mawkynrew Parish ha ryngkat ka jingiatreilang bad u Bah BSeng Kynthei Katholikanteidor Lyngdoh uba long ruh u MLA bad MDC  ka Mawkynrew Constituency bad ha ka juh ka por u Myntri sorkar ba dei khmih ia ka tnad ialehkai mynta ka sngi  kala pynlong ia ka jingpynshai halor ka koit ka khiah bad ka jingsumar bad sam dawai ei la pynlong ha Holy Cross Higher Secondary School, Mawkynrew.

La pynlong ia kane ka jingsam dawai ei  la noh synniang da u Banteidor Lyngdoh uba long ruh u MLA bad MDC jong ka Mawkynrew Constituency bad ha kajuh ka por u Myntri sorkar ba dei khmih ia ka Sports bad Youth Affairs la pynbit pynbiang da ka jing iasnoh kti lang jong ki Doctors bad ki Nurses na Mawkynrew PHC lem bad kiwei kiwei.

Ha kane ka jingsam dawai ei palat 300 tam ki paidbah nong shong shnong jong ka thain Mawkynrew kila ioh jing myntoi lyngba ka jing ia shimbynta ka jong ki ha kaba la sakhi bad ia don ryngkat ruh da U Phadar  Renju George, Parish Priest Holy Cross, Mawkynrew bad kumjuh ruh u Fr. Anthony Principal Holy Cross Higher Secondary School, Mawkynrew lem bad ki Nongkitkam bad ki dklhot jong ka Seng Kynthei Katholik, Mawkynrew Parish.

Hashwa ban sdang ia ka jinghikai halor ka koit ka khiah badka jingsumar ei  la ioh ia ka jingkren lyngkot na ki Nongialam jong ka Seng Kynthei Katholik, Mawkynrew Parish kiba pynpaw ka jing sngew nguh kaba khraw shikatdei eh ia U Banteidor Lyngdoh uba long ruh u MLA/MDC jong ka Mawkynrew Constituency bad ha kajuh ka por u Myntri jong ka Sorkar Jylla uba la kloi ban noh synniang ban pynurlong ia ki jingthmu babha jong ka Seng.

Haba ai jingkren kum u Kongsan ha katei ka sngi na ka liang jong U Bah Banteidor Lyngdoh u la pynpaw ka jing sngewnguh nyngkong eh ia u Blei Nongbuh Nongthaw uba la don ryngkat ha ka jingim ka jong u bad uba la btin lynti ban phrang ia u ha ka kam shakri paidbah bad ha kajuh ka por u la ka jingiaroh kaba kyrpang ia ki nongkitkam jong ka Seng Kynthei Katholik, Mawkynrew Parish kiba la shim ia kane ka sienjam kaba donkam tam da kaba ong ba ka jingshakri ia ki para briew kadei ruh shibynta ia ka jingshakri ia u Blei.

Ha kane ka jingialang u Bah Banteidor u la ong ba ka jingkoit jingkhiah kadei ka spah bah ha ka long briew man briew “Health is Wealth” bad dei na kata ka daw ba na ka liang jong u ruh kum u nongmihkhmat jong ka thain kumba u la ju shimkhia na ka por sha ka por un iai shimkhia ruh ban pynurlong ia kiba bun ki jingangnud jong ki paidbah ban thaw ia ki lad ki lynti ban pyntikna ba ki jaka sumar ha ka thain Mawkynrew kin long kiba paka tam bad kiba lah shisha ban ai ia ka jing shakri kaba bha tam na ka bynta ka jingbit jingbiang jong ki paidbah nong shong shnong.

 

What Next?

Recent Articles

Leave a Reply

Submit Comment
*