Palat 3000 ngut ki khynnah pule kila pass na ka soft skill training ka aspire meghalaya

Shillong, Jylliew 29: Ha ka jingpyrshang ban pynkhreh bad pyntbit ia ki samla ka jylla na ka bynta ka lawei jong ki, ka Sorkar Meghalaya, lyngba ka tnad ia lehkai ka jylla, ryngkat ka jingsnoh kti lem jong ka tnad pule, ka la pynlong ia ka program ‘Aspire Meghalaya’ ha baroh 12 tylli ki distrik ba la pyniaid da ka AVENUES, Shillong.

Ka jingthmu jong kane ka program ka long ban pynkhreh ia ki khynnah pule shwa ba kin rung sha ka jylli ka wad kam wad jam bad ruh ban pynshlur ia ki ha kaban sei ia ki sap ki phong khnang ba ynioh ban pynia soh ia ki bad ki skhim bapher bapher jong ka sorkar jylla.

Ha kaba iadei bad kane, 3182 ngut ki khynnah pule na ki 15 tylli ki skul ha ki distrik bapher bapher hapoh ka jylla ki la ioh pdiang ia ka jinghikai kaba kyrpang lyngba ka Aspire Meghalaya kaba la pynlong ha u bnai Jylliew mynta u snem.

U Myntri Rangbah jong ka jylla, u Conrad K. Sangma u la plie pyrda ia ka Aspire Meghalaya ha u bnai Lber jong une u snem kum kawei na ki jingpyrshang hapoh ka Meghalaya Youth Engagement and Training Programmes.

Haba kren shaphang kane, u la ong, “Ka Aspire Meghalaya ka long ka program kyrpang na ka bynta ki khynnah samla jong ka jylla.Ka long ka rynsan ha kaba ki lah ban ioh jinghikai halor ki jingpyntbit bapher bapher, khnang ba kin iohkot sha ka jingjop ha ka lawei jong ki.”

Shi bynta na ka jingthmu jong ka Aspire Meghalaya ka long ban ai lad ia ki khynnah samla ban pynsngew ia ki jingiakynduh bad jingangnud jong ki ha ka liang ka imlang sahlang, ka pule puthi bad khamtam eh ha kaba iadei bad kalawei jong ki.

Ha kaba iadei bad kane, la lah ban pyniaid ia ka Meghalaya Youth Survey ha kaba haduh palat 50,000 ngut ki khynnah pule jong ka jylla ki lahioh ban shim bynta da kaba ai ia ki jubab jong ki lyngba katei ka jingwad bniah.

Ka bynta kaba ar jong ka Aspire ka kynthup ia ka jingai training ia ki khynnah pule ha ki skul jong ki ha ka liang ki soft skill lyngba ki jingpynshai ba ai jinghikai ha ka jingshlur , ka rukom pyrkhat shai ia ka lawei, ka rukom pyniadei bad kren para briew bad ka jinglah ban iaid sha phrang lyngba ki jingeh bad jingiakynduh bapher bapher.

U samlaSamekiSyngkon, ubashong ha ka klas 12 hapoh ka skulUmmulong Presbyterian Higher Secondary School, u la ai mynsiemia ki para samla da kabaong, “Barohngi long kibastad bad ngi don la ki jong ki sap, hynrei kum ki khynnah samla bun sien ki lehrain lane tieng ban pyniia ki.

U Myntri rangbah u ngeit ba baroh na ki kiba la shah hikai lyngba ka Aspire Meghalaya, la ong ba la ioh jingmyntoi shibun. Tenamar kata, la kyrpad ia baroh ba dei ban pyneh ia ka jinglehrain haba ki nonghikai ki khot  ym dei ban ar tien mih sha khmat.

Lah ban ong ruh ba ka Aspire Meghalaya ka thmu ban leit sha palat 60 tylli ki skul hapoh ka jylla bad ban ai jinghikai ia palat 10,000 hajar ngut ki khynnah pule hapoh une u snem.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet