Shillong, Kyllalyngkot 11: Mynta ka sngi kala don ka jingiakynduh lang ha pdeng ki shipai BSF bad ki paidbah nongshnong shnong jong ka shnong Harai ha East Jiantia Hills ban ia kren kumno ban ia treilang ban wanrah ia ka roi ka par ha ki thain khappud bad ka Bangladesh.
Ha kane ka sngi u U K Nayal DIG jong ki BSF u la ong ba kane ka jingiakynduh ka long kaba don kam namar ka wanrah ia ka jingiajan ha pdeng ki nongshong shnong bad ki BSF bad na ka liang jong ki BSF ruh ki ia leh katba lah ban trei ban kyntiew ia ka dong bad ka thain ym tang ba ki pahara ia u pud u sam.
U Vinay Kumar, Commandant of 19 Bn BSF, haba plie ia kane ka jingiakynduh lang u la ong ba ka jingiarap kaba ki lah ban leh ha kane ka sngi ka long ba kila sam ia ki miej ki shuki, ki jingsiang thiah, ki lanten, ki Sintek. Ha kane ka sngi kiba la ioh jingiarap na ki BSF ki long palat ia ka 500 ngut. Na ka liang jong ki BSF ki kwah ban don ka jingiajan bad ki trai shnong.
Ha kane ka sngi na ka liang jong ki trai shnong kila pynpaw ia ka jingsngewnguh ia ki shipai BSF kiba la iarapna ka por sha ka por ha kiba bun ki liang ia ki paidbah ka thain. Na ka liang jong ki BSF ruh kyrmen ba kin dang iaid beteng ia kum kine ki jingiarap na ka por sha ka por.
