Baghmara, Nialar 08: Mynta ka sngi palat hajar ki paidbah jong ka Baghmara kila ia mih ban ia iaid paidbah ban pynpaw ia ka jingpyrshah ka jong ki ia ki kam lehnoh hapoh jong ka South Garo Hills District, ha ka juh ka por ban pynrem ia ki kam rahbor, dawa pisa jubor bad ia ki kam pyniap ia ki riew paidbah kiba lui lui da ki lehnoh.
Ban pynrem ia ki kam pyniap briew jong ki seng lehnoh hapoh jong katei ka District, ki paidbah, ki seng bhalang, ki samla pule mynta ka sngi kila ia mih madan khlem da tieng sa smiej ban pynrem ia ki lehnoh kiba la leh ia ki kam rumnar, kum ka kam rahbor, dawa pisa jubor bad ki kam pyniap briew.
Kane ka jingiaid paidbah mynta ka sngi ka long ka khubor na ki paidbah jong ka South Garo Hills sha ki lehnoh ba ki dei ban sangeh noh shisyndon ia ki kam pyntriem jong ki ia ki paidbah kiba lui lui, ki paidbah ki pyrshah ia kane ka jingleh ka jong ki pyrshah ia ki riew paidbah.
Ia kane ka jingiaid paidbah mynta ka sngi la khot da ki seng bhalang katei ka District ban pyrshah ia ki lehnoh kiba la shim ia ka jingim jong u wei na ki riew paidbah da kaba siat dusmon ia u ha iew Dambuk ha dien ba ki la rah bor ia u Olgate R Marak ha ka taiew ba la dep.
