Palat hajar pyniasoh ki paidbah ka Pynursla Constituency sha ka party NPP mynta ka sngi

Mr ConradShillong, Risaw 07: Mynta ka sngi ka seng National People Party (NPP) kala pynlong ia ka jingialang paidbah hapoh jong ka 27-Pynursla Constituency ha kaba u president jong ka seng u Conrad K Sangma u la ia don lang. Ha kane ka sngi palat hajar ngut ki paidbah na kane ka constituency kila pyniasoh bad ka party NPP.

Ha ka jingkren jong u Conard K Sangma u la ong ba na ka liang jong ka NPP ka kwah ban wanrah ia ka roi ka par ha kane ka jylla bad u la kyrpad ia ki paidbah ka thain ba kin ai ka jingkyrshan ia ka party NPP ha kane ka MLA Election ka ban long ha u snem 2018. U don ka jingkyrmen skhem ba ka NPP kan thaw ia ka sorkar ha u snem 2018.

Kiwei kiba la kren ha kane ka jingialang ki long u Bah RM Shabong, Bah E Khongsti Adhock president jong ka seng NPP, u James K Sangma MLA, u Yumnan JK Singh Deputy Chief Minister jong ka jylla Manipur. Ha ka jingkren jong kine baroh kila pynsngew ia kawei ka sur ba dei tang ka seng NPP kaba lah ban trei na ka bynta ki paidbah ban wanrah ia ka roi ka par ha ka jylla.

What Next?

Recent Articles

Leave a Reply

Submit Comment
*