Palat lak tuid ki paidbah sha ka jinglehniam leit on tep ia u Archbishop Rev Dominic Jala

Shillong, Risaw 23: Mynta ka sngi ki paidbah na kylleng ka Ri Khasi Jaintia palat lak ngut kila ia poi sha ka jinglehniam leit on tep ia u Archbishop rev Dominic jala kaba la long ha iing mane bah ha Laitkumkhrah.

Ia ka jinglehniam la lam khmat da u Archbishop jong ka jylla niam Guwahati, u Rev John Moolachira bad khatsan ngut kiwei ki bishop na kane ka thain shatei lam mih ngi jong ka Ri, India kiba la wan na Kerala bad u wei u Bishop na Bangladesh. Ha ryngkat ki lyngdoh kiba la poi da ki spah ngut.

Ha kane ka sngi ki paid riew ngeit na ki jaidniam bapher bapher, ki nongialam balang Khristan, bad kiwei kiwei ki jaid niam kila iapoi lang ha kane ka jinglehniam leit on tep ia u Archbishop Rev Dominic Jala.

Ha kane ka sngi ki nongialam seng sain pyrthei, na ki seng bapher bapher kila ia poi ha kane ka jinglehniam ban burom ia u ne u riew rangbah ym tang ba u dei u nongialam niam hyrnei u dei ruh u wei na ki khraw pyrkhat jong ka jaidbynriew.

Ki nongialam seng sain pyrthei kiba la ia poi ki long u mytnri rangbah ka jylla u Conrad K Sangma lem ka kynhun myntri, u Dr Mukul Sangma nongialam ka liang pyrshah na ka seng Congress, u CEM jong ka KHADC u Bah Teinwell Dkhar, u Bah Vincent H Pala MP  jong ka Shillong bad bun kiwei de ki MLA bad MDC.

 

What Next?

Recent Articles

Leave a Reply

Submit Comment

*