Shillong, Nohprah 17: Ka KSU Sawsymper Circle, FKJGP Sawsymper Circle, Dorbar Raid Sawsymper bad ki Longkmie jongka thain mynta ka sngi ki la pynlong daka jingialang paitbah ban dawa ban nym pyntreikam iaka Citizenship Amendment Act, 2019 hapoh ka jylla bad ruh ban dawa ban wanrah noh iaka Inner Line Permit hapoh ka State hi baroh kawei.
Ha kane ka sngi, LA wan ban ia shim bynta da palat 10 hajar Ngut ha kaba ka la don ka jingiaid kjat ba 7 kms na PONGKUNG sha Weiloi ryngkat ki jingpyrta ban pyrshah iaka CAA bad ban dawa warah noh daka ILP hapoh ka jylla.
Ki nongialam ba Don ha kane ka sngi, ki long u samla Pynkmen Sanmiet ( CEC Member KSU), u samla Forwardman Nongrem ( President KSU South West Khasi Hills District), ki nongialam ka KSU bad FKJGP Sawsymper Circle, Ki Rangbah Shnong, ki Longkmie longkpa, ki khun samla bad kiwei kiwei.
Haba kren ha kane ka sngi, naka liang u samla Forwardman Nongrem u la ong ba ka KSU naka por sha ka por ba ka seng ka la dep phah jingthoh ban dawa ILP naka sorkar Kmie mynta la ar sien kynthih tang ha u snem 2018 bad 2019 . U la ong shuh shuh ba ” Lada ka sorkar BJP ka donkam ia u President ban pynlong ain shaka CAA, ka KSU ruh ka don iaka CAB jong ka ba la tip kum ka Chase All Bangladeshis ia kaba ngi wanrah shaphi ki Nongialam shnong bad ki paitbah ban pynlong ka ain lajong ban iakhun pyrshah iaka jingwan tuid ki khar Bangladeshi na ka daw ka Citizenship Amendment Act, 2019″.
U samla Pynkmen Sanmiet pat u la ong ba ka seng kan iengskhem haka nongrim bad ngim pat hun hi ruh tang iaka Resolution haka 19 jongka State Legislative Assembly hynrei haduh ba ka sorkar India kan da rai ban pynlongkam iaka ILP hapoh ka jylla jongngi . Ha kane ka sngi la ioh ban kren ruh da u President ka KSU Sawsymper Circle, President FKJGP Sawsymper Circle, U Kistoles Marbaniang bad u Bah Kynpham Kharlyngdoh nalor kiwei pat ki riew Rangbah jongka thain bad ki Longkmie.
