Shillong, Nailar 19: Mynta ka sngi hapoh ka jingialam jong u Bah Lamborskhem Kharpuri kala don ka jingpyniasoh jong ki paidbah na ka Mawkynrew Constituency da ki spah ngut sha ka seng Congress, ia kane ka jingpynrung dkhot la leh hapoh Congress Bhavan Shillong.
Ia kine ki dkhot kiba la pyniasoh sha ka seng Congress na ka Mawkynrew constituency la pdiang sngewbha sha ka party Congress da u Working President jong ka MPCC u Bah James Lyngdoh, ha kane ka sngi la ia don lang ruh u Bah John F Kharshiing General Secretary jong ka party bad u Bah Kennedy Khyriem President jong ka East Khasi Hills District jong ka seng Congress.
Ha kane ka jingialang ka president jong ka seng Mahila Congress ka kong Joplin Shylla ruh kala ia don lang. Ha kane ka sngi baroh ki nongialam jong ka seng kila kyntu ia ki dkhot jong ka seng ba kin ia trei shitom ban wanrah ia ka jingjop ha kane election kaban long ha u snem 2018 kaba sah mynta sa tang da ki bnai.
