Shillong, Nailur 27: Ka KHNAM ka la nang iohbor daka jingpyn ia snoh jong ki spah ngut ki nongshong shnong jong ka shnong Shilliang Umdoh – Umjapung kum ki dkhot jong ka primary unit ka seng. Ia kane la sakhi haka 15.09.2017 ha ka shnong Shilliang Umdoh ha kaba U Publicity Secretary ka Central Body Bah James M.A Neng, U Convenor jong ka Ri Bhoi District Bah Lambok Thangkhiew, Bah Nine Tarang, Bah Sidra Basaiawmoit ki la ia don ryngkat bad u Kyrtong jong ka Seng Bah Zachary Shadap.
Ia ka jingialang la ia shim bynta da ki rangbah, ki longkmie, ki samla kynthei bad shynrang jong ka shnong kiba la wan ban sngap ia ki nongrim jong u kyrtong bad ka seng. Na ka liang jong u Publicity Secretary jong Central Body ha ba ai jingkren ha katei ka sngi u la kdew ia ka jingdonkam ban kyndit bynriew kum ka jaitbynriew ban wanrah ia ki jingkylla kiba shisha bad ki ban long ki jing myntoi ia u paidbah.
U la kyntu ruh ia paidbah ka thain ban jieng ia ki nongmih khmat ki ban lah ruh ban pyrkhat bad kitkhlieh ia ka jaitbynriew baroh kawei, bad kren bad iakhun ia ki dawbah jong ka bri u Hynniewtrep naduh u pud u sam, ka jingrung kyrthep ki mynder, ka jingkyrduh kam ki samla. U Bah Zachary Shadap u Kyrtong jong ka seng na Mawhati Constituency u la bynrap ia ka jingdon kam ban wanrah ia ka roi kapar kaba shisha ha ka constituency.
Ka Constituency kam pat don ia ka centre thoh exam matric, bad u la bynrap ba kane kadei kawei na ki jingdon kam ha khmat naka bynta ka jingmyntoi jong ki khynnah skul bad ki kmie ki kpa. Ha kane ka sngi la La pynskhem ka KHNAM ia ka Shilliang Umdoh primary bad ka Umlaisnieh Primary Unit.
Ki nongkit kam jong ka Shilliang Umdoh primary unit ki long U Bah Dingson Lyngkhoi President, Vice President Bah Klan Snaitang, Secretary Bah Kobarwel Wahlang, Asst Sec George Pyngrope, Treasurer Bah BL Nonglait bad 40 Ngut ki Executive Members ka Unit. Ki nongkit kam jong ka Umlaisnieh Primary Unit ki long President Bah C Nongspung, Vice President Ab Nongrum, Secretary Badon Khyrriam, Asst Sec Bah Peaceful Kharbithiew, Treasurer Bah Pynhunlang Mynsong bad 32 Ngut ki Executive Member.
