Shillong, Lber 30: U M
yntri rangbah ka jylla u Conrad K Sangma mynta ka sngi u la shim khia hi da lade ban peit ia ka jingshah pynjulor jong ki long iing long sem na ka daw jong ka jinghap phria mynta ka sngi ha kiba bun ki jaka ha ka jylla.
Na ka liang jong u Conrad u la phone da lade sha ki Deputy Commisioner ban ioh ia ka jingtip ha kaba ia dei bad ka jinglynshop jong ka mariang mynta ka sngi. Na ka liang jong u myntri rangbah u la bethah ia ki DC ba kin phah ia ki lad jingiarap sha ki lanot.
Ha ka juh ka por u la bethah ia u Chief Secretary bad ia u Additional Chief Secretary jong ka sorkar jylla ba kin phah ia ka jingkhien sha ophis jong u Chief Minister khnang ba ka sorkar kan leh ia kaba don kam ban ai jingiarap ia ki long iing kiba ngat ha kane ka jingshah pynjot ha ka mariang.
