Shillong, Nailar 25: u Bah Timothy Dkhar u ba dei state informatics officer, u la ong ba ka sorkar kala pynmih ia ka Hackathon 2017 bad ka jingthmu jong kane ka long ban pynjingmut na ki paidbah ba kin ong lem ha kano ka rukom ba ka sorkar kan leh ban wanrah ia ka jingkhuid jingsuba ha kane ka nongbah Shillong bad ha ka juh ka por ban pynlait ia ka jingkhap ngiah kali.
Ka sorkar kala buh ruh ia ka khusnam na ka bynta kito kiba ai jingmut, ia kiba ioh ba nyngkong kan long T.50000/- tyngka, ia kiba wan baa r T.30000/- tyngka bad ia kiba wan balai kan long T.15000/- tyngka. Kiba ai jingmut sha ka sorkar kin hap ban peit la ia kata ka jingai jingmut lah ne bam la pyntrei kam.
La iathuh ba haduh mynta duna kiba la wan sha khmat ba kin ai jingmut, ka sngi kaba khatduh ban phah ia ka jingai jingmut halor katei ka phang kan long 31 tarik mynta u bnai bad ia kiba jop yn sa pynbna ha ka 02 tarik Risaw kiba lah ban phah ia kane ka jingai jingmut kan long tang ia kito kbia la 16 snem shaneng.
Ia kane ka jingthmu ban wad ki lad ki lynti kumno ban wanrah ia ka jingkhuid ha kane ka nongbah shillong ka long hapoh ka jingpeit jong ka Green Shillong Steering Committee ia kaba la khlieh da u Chief Secretary, ka Cantonment Board, ka Hima Mylliem, ka KHADC bad ka SMB ki long ki dkhot jong kane ka committee.
