Pan jingshai ka HANM na u CS la ka Gas Grid Project kan ai jingmyntoi ne em ia ka Meghalaya

Shillong, Jymmang 17: Ka seng Hynñiewtrep Achik National Movement mynta ka sngi ka pan jingpynshai na u Chief Secretary ia ka jingmyntoi  jong ka jingwan ka Northeast Gas Grid Project ka la sdang ban pynteikam ha Umden bad Nongthymmai ha Ri-bhoi District

Haba kren bad ki nongthoh khubor u General secretary ka seng HANM East Khasi Hills u bah Bawandonbok Nongsiej u la kam ba ka Northeast Gas Grid Project ba ia kane ka Project la bei pisa da ka central government ha ka jinglud ka ba kot 9000 klur tyngka, hynrei, kumba ka long mynta, ki ba long trai ia kitei ki jaka ba ka company ka pyndonkam ki khlem pat ioh ia ka jingiarap na katei ka company.

U bah Bawandonbok Nongsiej u la ong, katkum ka jingioh jingtip. Ia ka tei ka Project ka khlem don kano kano ka jingpyrshah ne jingpynthud pynwit haba iadei bad ka jingia NOC jongnki rangbah shnong na ka bynta ban buh ia katei ka Project bad ki kam ki la iaid shait shait ban pyntrei ia ka kam. Hynrei kaba la pynlongngoh ia ka seng ka long ba ymdon uwei ruh u bad Khasi ne ki trai shnong  ba sah ha kitei ki shnong ki ba ioh kam ha katei ka Project.

Ka seng kala dep ban aiti ia k dorkhas  sha u Chief Secretary ban ioh ka jingpynshai haba iadei bad katei ka Project, kumjuh ruh hato ka wanrah jingmyntoi ne em ia ki nongshong ka dong ka thaiñ Umden bad Nongthymmai bad kumjuh ruh ia ka jylla hi baroh kawei haba ia ka kane ka kam la ioh ban trei bad pyniaid  da ki briew ba na bar ba na ka jylla Assam bad jylla Manipur” Iathuh u bah Bawandonbok Nongsiej.

Shuh shuh u bah Bawandonbok Nongsiej u la bynrap, ka North East Gas Grid Project kaba don ha  Ri-bhoi district ka la iaid shakhma bad kane ka company kan don jingthmu ruh ban buh sa sha East Khasi Hills District, West Khasi Hills District bad Jaintia Hills. Hynrei haduh kine ki sngi ymdon uwei ruh u nong Meghalaya  u ban iohkam ioh jam ne ioh jingmyntoi na katei ka Project.

U la pynshai ruh ba ka seng  HANM  K khlem pyrshah ia kano kano ka Project ha ka jylla Meghalaya, hynrei ba ki kompany ba wan ha kane ka jylla ki ai lad lem ia ka ioh kam ioh jam ia ki paitbah ka jylla Meghalaya.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet