Pan jingshai ki seng bhalang na Garo Hills halor ka “Expert Committee” ban ia kren ia ka RP

Shillong, Jylliew 03: Mynta ka sng u myntri rangbah ka jylla, u Conrad K Sangma, Symbut myntri rangbah ka jylla u bah Prestone Tynsong, ka myntri kam ain ka Dr. M Ampareen Lyngdoh kila ia donlang ban ia kynduh ia ki seng bhalang  na Garo Hills ia kaba la pynlong ha Tura.

Ka jingiakren ha kane ka jingialang bad ki seng bhalang na Garo Hills kaba bun ka dei halor ka polisi bhah kam bhah jam bad iaka Expert Committee , ha kane ka jingialang la pyntip ba kin sa shong ia ka jingialang ka Kabinet na ka bynta ban pyntrei kam ia ka Roster System.

Ha kane ka jingiakynduh mynta ka sngi u myntri rangbah la pynshai ba ia ka rai ban thaw ia ka Expert Committee ka long ha dien ka jingiakynduh ia baroh ki seng sain pyrthei  ha dien ka jingiamir jingmut bad ki nongialam seng sain pyrthei.

La pynshai ba kane ka Expert Committee kan sa ia kynduh ia ki pidbah bad kan sa peit ruh kumno la pyntrei kam ia ka bhah kam bhah jam ha ka Ri baroh kawei bad jingbhah kam ha kane ka jylla bad ka committee kan sa ai ia ka kaiphot sha ka sorkar jylla.

Ha kane ka jingiakynduh ia ki seng bhalang na Garo Hills la don lang u Chief Secretary u bah DP Wahlang, bah CVD Diengdoh badkiwei kiwei ki ophisar jong ka sorkar jylla ban pynshai lem ha kane ka jingiakren.

Ha kane k jingialang la jan baroh ki seng bhalang na Garo Hills kila ia poi sha kane ka jingialang ban sngap kaei ka sorkar ka don ban pynshai bad kila buh ruh ia ki jingkylli ban pan jingshai ia kaei kaba kim sngewhtuh.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet