Pan ka HBDRF na u CEM ka KHADC ia ka jingdon ki shnong ha khappud bad ka Assam

Shillong, Nailur 16: Mynta ka sngi ka seng Hynniewtrep Border Dispute Redressal Forum (HBDRF)  hapoh ka jingialam jong u Bah C Syngoh shnongknor bad ka kong P Phawa Secretary kila leit ban ai da ka jingthoh sha u Chief Executive Member jong ka KHADC u bah Teinwell Dkhar ban pan na u ia ki kyrteng jong ki shnong kiba don ha khappud bad ka jylla Assam.

Ha katei ka shithi kaba la phah sha u CEM jong ka KHADC, la ong ba ka la thaw ia kane ka kynhun na ka bynta ban peit kyrpang ia ka jingeh ia ka kam pud kam sam kaba la sah teng mynta da ki phew phew snem kiba khlem lah ban pynbeit  ia u pud u sam hapdeng ka jylla Meghalaya bad Assam.

Ka seng kan dawa ruh na ka sorkar India ba kan bthah ia ka sorkar Assam ba kan pynphai noh sha ka jylla Meghalaya ia ki jaka kiba kala kyntur pud sha kane ka jylla. Na ka liang kane ka kynhun ka kwah ban don ka jingiajan ha pdeng ki nongshong shnong kiba dei ha khappud bad ka jylla Assam.

Na ka liang jong ka kynhun kala pan ruh ia ka map ba dei jong ka KHADC bad kum juh ia ki map jong ki hima kiba hap hapoh jong ka KHADC bad ia ka kyrteng jong ki shnong kiba don ha pdeng ka jingiakajia pud.

Na ka liang jong ka HBDRF ka ong ba kane ka jingpan jong ki ia kine ki kot ki sla ka long ba kan long kum ka nongrim na ka bynta jong ki ha kane ka jingialeh ha kaba ia dei bad ka kam pud kam sam hapdeng kine ki ar tylli ki jylla kaba ym pat lah ban pynbeit mynta la bun bun snem.

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet