Shillong, Nohprah 10: U myntri rangbah ka jylla ha ka sngi sdang jong ka dorbar tlang b alai sngi, u la wan rah hapoh ka iing dorbar ia ka “Supplementary Demands for grants bad ia ka Suplementary Appropriation na ka bynta jong u snem 2017-2018.
Ha kane ka jingpan pisa shuh ka sorkar napoh ka iing dorbar, ka tand kam poh iing jong ka jylla kala pan pisa shuh na ka iing dorbar sa T.18,24,55,511/- klur tyngka. Haba phiah ia ka jingdon kam na katei ka pisa ka tnad pulit kala ai jingkhein ba don kam pisa T.9,00,18,149/- klur tyngka.
Hynrei namar ka jingduna pisa hapoh ka jingmang tyngka jong u snem 2017-2018 la ai jingmut ban thied ia ki tiar ia leh khyndait khyndait bad ha ka bynta kaba nyngkong ka sorkar kala pynlait pisa T.2,87,28,379/- klur ban thied ia kit air ialeh.
Namar ka sorkar ka dang dep ban thaw ia ka kynhun pulit kaba kyrpang ka SA-10, ka long kaba don kam ban pynkhlain ia ki ha kaba ia khun ia ki kam lehnoh khamtam eh ha ki bynta jong ka Garo Hills bad ki bynta jong ka West Khasi Hills bad South West Khasi Hills. Ka jingthied ia ki tiar ia leh ka long kaba don kam. Kyrpang na ka bynta ki SF-10 la mang pisa T.73,76,132 lakh tyngka.
Na ka bynta ban pynbiang ia ki bor pahara na ka bynta ka Election MLA ka ban long ha u snem 2018, ka tnad kam poh iing kala mang pisa T.14,63,51,000/- klur tyngka. Kane ka jingpan pisa ka tand kam poh iing ka dang sah mynta hapoh ka iing dorbar ban shim ia ka rai la ka iing dorbar kan pdiang ne em ia kaba ka iing dorbar kan sa ia kren ha ka sngi kut jong ka jingiashong dorbar.
