Shillong, Nailur 12: U Myntri rangbah ka jylla u Conrad K Sangma ba dei peit ruh ia ka tnad pla pisa u la pan pisa shuh na ka iing dorbar thawain ka jylla sa T.15 klur ban siew ia ki jingdon kam ha kaba ia dei bad ka jingialeh pyrshah ia ka khlam COVID-19.
Kumba la kdew ha ka Grant No.1 kala kdew ba kane ka pisa kaba don kam ka long ban siew sha ki iing basa kaba la kot sha ka T.13.42 klur kiba la pyndon kam ia ki kum ki jaka buh pynkyrpang ia ki nongtrei ka tnad ka koit ka khiah.
Ka jingdon kam ia kane ka pisa ka long ban siew ruh sha kito kiba ha iing ha sem jong kiba khlad na kane ka jingpang COVID-19 positive ha ka jylla baroh kawei , kane ka long ban siew ruh ia ka bai kali kiba la pyndon kam ha kane ka jingiakhun pyrshah ia ka khlam COVID-19.
Na katei ka jingpang pisa ka long ruh ban siew ia kiwei kiwei ki jignsiew, ia katei ka pisa la dep ban pynlait lyngba ka Contingency Found bad mynta la don kam ban pynbeit ia kane ka jingsiew. Ia kane la wan rah ha ka sngi sdang ka jingiashong dorbar Synrai.
