Jowai, Naitung 25: Namar ka jingpur sted jong ka khlam COVID-19 ka KSU Nangbah kala leit ban ia kynduh i
a u District Health bad Medical Officer jong ka West Jiantia Hills District bad ha kane ka jingiakynduh kila pan ia ki Thermal Scanner na ka bynta ki COVID-19 Volunteers hapoh ka shnong Nangbah.
Ka jingpan ia kine ki thermal scanner ka long ban pynsuk ia ki nongtrei ban test ia ki briew kiba rung ba mih hapoh katei ka thain ban iada na kane ka jingsaphriang kane ka khlam COVID-19 bad khamtam eh hapoh ka PHC kaba don hapoh kane ka shnong ban peit ia kiba ia leit ia wan sha kane ka jaka ai jingsumar ka sorkar.
Ha kane ka jingleit la ialam da u samla Morningstar Pasi President jong ka Unit ha ryngkat ka jingiadon lang u samla Ohibait Dkhar President Rangbah na ka KSU jaintia Hilks District Body,da ka mynsiem kaba sngewkhia halor ka jingpur sted jong u khniang jingpang ba ki khot COVID 19.
Kum ka seng kala ai da ka jingthoh ha khmat jong u Director of Medical & Health Officer (DMHO) West Jaintia Hills District Jowai halor ka nongrim ban kyrpad na katei ka Office kaba dei peit ia ka koit ka khiah ba kan sngewbha ban leh ia ka Random Test hapoh ka shnong Nangbah bad ruh ban iarap pynioh ia kato katne tylli ki Thermal Scanner lyngba ka PHC kaba don ha katei ka shnong kum shi bynta ban kham pynsuk ban check ia ka iaid ka ieng.
