Pan u Myntri Rangbah ka jylla ban ia kynduh ia u Myntri kam poh iing ka sorkar pdeng

Shillong, Kyllalyngkot 16: U Myntri rangbah ka jylla u Conrad K Sangma u la pan ban ia kynduh ia u mytnri kam poh iing ka sorkar pdeng u Amit Shah ban ia kren ha kaba ia dei bad ka rai jong ka iing dorbar thawain ka jylla Meghalaya ban pyntrei kam ia ka ILP ha kane ka jylla Meghalaya.

Ki lad khubor ki iathuh ba  myntri rangbah ka jylla mynta u la leit sha Delhi bad u president jong ka PDF u Bah Banteidor Lyngdoh un dang leit la shai ka sngi, kiwei kiwei ki myntri kiba dei na ka sorkar MDA ruh kin dang ialeit.

Ki lad khubor ki iathuh ba u myntri rangbah ka jylla u la pan biang ban ia kynduh ia u myntri kam poh iing ka sorkar pdeng bad la khmih lynti ba la shai ka sngi yn sa lah ban ioh ia ka jubab na ka ophis jong u myntri kam poh iing ka sorkar pdeng ia ka por ban ia kynduh.

Uwei na ki myntri ka sorkar MDA, haba kren ha u SP News Agency u la iathuh ba kila don ki myntri kiba la leit sha Delhi bad kin don kiban leit la shai ka sngi, hynrei kumba ka long haduh mynta ka sngi kam pat shai namar ba ym pat ioh ia ka por ban ia kynduh ia u myntri kam poh iing ka sorkar pdeng.

Na ka liang jong u mytnri, khlem da kwah ban pynpaw kyrteng la iathuh ba lada u la ioh jingtip ia ka por ban ia kynduh u ruh un sa leit, haduh mytna ka sngi ym pat ioh ia ka jingtip kaba shai, hyrnei u la iathuh ba u mytnri rangbah ka jylla u la don sha Delhi mynta.

 

What Next?

Recent Articles

Leave a Reply

Submit Comment

*