Shillong, Lber 15: U Myntri rangbah ka jylla u Conrad K Sangma haba jubab ia ka jingkylli kaba la wanrah da u bah George B Lyngdoh MLA ha kaba ia dei bad ka karkhana shna dewbilat ka MCCL, la ong ba haduh mynta ka sorkar kam pat buh por lano ban sdang ia treilang bad ki kompeni shimet hapoh ka MCCL.
U Myntri rangbah u la pyntip hapoh ka iing dorbar ba naduh u snem 2007 haduh u snem 2019 ka jingduh jong ka MCCL kala kot sha ka T.234 klur tyngka, wat la ka sorkar kala ai ka jingkyrshan bad kane ka karkhana pynmih dew bilat ka khle pynmih dewbilat shuh naduh u Lber 2020.
Ka pisa kaba ka MCCL ka hap ban siew haduh ka 30 Nailur 2020 ka long T.60.75 klur , dei na katei ka daw ba ka sorkar kam lah shuh ban dang kyrshan ia ka MCCL la don kam ban ia trei lang bad ki kompeni shimet.
Haba jubab ia ki jingkylli bynrap la ong ban pynimbiang ia ka MCCL don kam T.190 klur tyngka bad ka sorkar kala iarap ia ka MCCL naduh u snem 2007 haduh 2020 kala kot sha ka T.303 klur tyngka.
