Shillong, Jylliew 15: Mynta ka sngi u Deputy Commissioner ka West Jiantia Hills District u bah Garod LNS Dykes u la ia kynduh ha Amlarem ia baroh kito ki kynhun kiba pyrshah ban plie ia ka khaii pateng sha Bangladesh.
Ha kane ka jingiakynduh kaba la long mynta ka sngi naduh ki Rangbah shnong, ka Synjuk ki Rangbah Shong, ka Elaka Nongtalang, ka shnong Dawki bad ki seng bhalang kum ka HYC, HYNF, KSU bad ka JSU killa pynpaw ba ka jingpyrshah jong ki ka long ka long ba ia mynta ym pat long ban plie ia kane ka jingiakhaii na Tamabil sha Bangladesh.
Baroh ki kynhun kiba la pyrshah ia kane ka jingailad ka sorkar ban plie noh ia ka kad khaii na Tamabil kila sngew iahpa ia ka jingong jong ka KSU bad ka JSU ba lada long kaba lah ban ap shuwa haduh ban da kut u Naitung 2020 sa ia peit kane ka jingpang ka long kumno ha Meghalaya bad Bangladesh.
U Bah Eddy Kerry Pohtam President ka JSU jong ka War Jiantia u la iathuh ba ka jingiakren ha kane ka sngi ka long ba baroh kim pyrshah ia kata ka jingplie ia ka kad khaii na Tamabil, hynrei kaei kaba ki pynsngew ka long ba ia mynta kam pat long ban plie ia kane ka jingiakhaii na Tamabil namar ha Bangladesh ruh bun kiba shitom.
Na ka liang jong ka KSU bad ka JSU kila kren ia ki kyndon kiba la buh da ka sorkar ha kaba kila pynsngew mynta ka sngi ba ki kyndon kiba la buh kim pat biang dong kam ban dang shong pyrkhat bniah bha ia ki kyndon.
La iathuh ba ha ka jingkren jong u DC la sngewthuh ba ka sorkar ka kwah ban hikai ba ki briew mynta kila dei ban sngewthuh ban sumar da lade ia lade bad ha kaba ia dei bad ka jingdawa ka seng ba dei ban don ka DMF na la liang jong u DC u la ong ba ia kane kin sa thaw ia ka committee.
Na ka liang jong u DC ha kane ka jingialang mynta ka sngi u la pynsngew sha ki kynhun kiba la ia poi sha katei ka jingialang ba ia kaei kaba kila pynsngew ha kane ka jingialang yn pynsngew sha ki bor ba halor, la iathuh u bah Eddy Kerry Pohtam 
President ka JSU Wart Jaintia.
