Shillong, Nohprah 26: kala don ka jingjia kaba sngewsih ha kaba u wei u khynnah u ba dang san snem ka rta u la jah na ka shnong Mawsynram ha ka 23 tarik mynta u bnai bad haduh mynta ka sngi ym pat lap ia une u khynnah.
Katkum ka jingiathuh jong u Officer Incahrge jong ka Mawsynram Police station kaba hap hapoh jong ka East Khasi Hills District mynta ka sngi la ong ba haduh mynta ka sngi ym pat lap ia une u khynnah u ba la tip kyrteng kum u Banialam Marbaniang. Na ka liang jong ki pulit ki dang tohkit ban lap ia u khynnah.
Katkum ka jingtip kaba la ioh la ong ba une u khynnah u la jah na shnong ha ka 23 tarik mynta u bnai bad kala don ka jingiawad ia u bad na ka liang jong ki pulit ruh kila ia wad hynrei haduh mynta ka sngi ym pat ioh jingtip sha ei u jah bad ka jingwad ka dang iaid.