Shillong, Nailar 01: Ka jinglyngoh ka long ba kumno ka khynnah kaba dang shisnem tam ka leit ban poi thiah sha lynti iaid kaba kynjah ha kaba lap da ki briew na ha ka 30 tarik u Naitung na 101 area na lynti iaid kjat bad mynta la rah ia ka sha ka jingumar hapoh Ganesh Das Hospital Shillong.
Kat haduh ba thoh ia kane ka khubor mynta ka sngi ruh ym pat lah ban tip ia ka kyrteng jong kane ka khynnah bad iaka jaka sah jong ka ruh. Kane ka khynnah mynta ka dang don hapdeng ka jingsumar ha Hospital.
Ka Medical Superintendent jong ka Ganesh Das Hospital, ka Dr N Shylla haba kren ha u SP News Agency kala iathuh ba kane ka khynnah la lap ha ka 30th Naitung 2017 bad la wanrah ia kane ka khynnah da ka ambulance 108. Kumba ka long kane ka khynnah kam don dak ei ei ha ka met jong ka hynrei ka khynnah ka tlot.
Kumba ka long haduh mynta ka sngi kane ka khynnah kala kham khlain, kaba ia tynnad ba kane ka khynnah mynta kala lah ban bam bad na ka liang jong ka sorkar kala phah ia ki briew ban ap ia kane ka khynnah kiba dei peit iaki khynnah.
