Pdiang ka iing dorbar ia ka bhah Seat kyrpang ki rit paid,ki riewlum ha Parliament bad Assembly

Shillong, Kyllalyngkot 20: Ka iing dorbar thawain jong ka jylla Meghalaya mynta ka sngi kala pdiang ia ka bhah kyrpang ha Parliament bad ki iing dorbar Assembly ia ka jingmang bhah kyrpang ia kaba la dep ban pdiang da baroh ar tylli ki iing dorbar parliament ka Rajya Sabha bad lok Sabha.

Ia kane ka rai la wanrah da u myntri rangbah ka jylla u Conrad K Sangma hapoh ka iing dorbar thawa ain ka jylla ha ka jingiashong dorbar kaba kyrpang kaba la long mynta ka sngi. Da kawei ka sur ka iing dorbar kala pdiang ia kane ka Bill ban dang pynjlan shuh ia ka jingmang kyrpang ia ki MP bad LA Constituency na ka bynta ki 10 snem ki ban dang wan.

Haba batai hapoh ka iing dorbar, u myntri rangbah ka jylla u Conrad K Sangma u la ong ba ia kane ka jingpynjlan ia ka jingbha kyrpang ia ki MP bad LA Constituency la juh leh man ka 10 snem da ka sorkar pdeng bad don kam pat ban ioh ia ka jingmynjur na ki 15 tylli ki jylla la kumno kumno bad kum ka jylla ba bun ki rit paid don kam ban pdiang ia kane.

Haba ia dei bad ka jingweng noh ia ka kntien Anglo India, u myntri rangbah u la ong ba kane kam dei ka kam jong ka sorkar jylla namar ka jingbuh bha kyrpang ia ki ka long tang ha ki 14 tylli ki jylla jong ka Ri India bad ka Meghalaya kam hap hapoh jong kata. U la ong ba kumba ka long mytna ki Anglo India ki don sa tang 195 ngut ha India.

Haba phai sha ki riewlum, u la ong ba ha ka Ri India baroh kawei ki riewlum ki don tang 10.3 klur, katta ka long tang 8.6% ha ka jingdon ki riewlum kata ki Schedule Tribes  bad haba phai sha ki rit paid kidon tang 6.6% ha ka jingbun paid ha ka Ri India bad ka long kaei kaei kaba bha ba ia kane ka jingmang bhah kyrpang hapoh Parliament bad ki State Assembly kan dang beteng sa 10 snem.

Kiwei ki MLA kiba la ia shim bynta ha kane ka jingiakren ki long u nongialam ka liang pyrshah u Dr Mukul Sangma, u Bah PT Sawkmie, Bah George B Lyngdoh, Bah Meralborn Syiem, Bah Adelbert Nongrum, bah HM Shangpliang bad u bah Renikton L Tongkhar.

 

What Next?

Recent Articles

Leave a Reply

Submit Comment

*