Pdaing ka iing dorbar ia ka rai ban pynkylla noh na ka KHADC sha ka UKHADC

Shillong, Naiwieng 20: ka iing dorbar jong ka Khasi Hills Autonomous District Council kala pdiang ia ka “Rai” kaba la wanrah da u  bah HS Shylla mynta ka sngi ban pynkylla noh ia ka kyrteng na ka “ Khasi Hills Autonomous District Council” sha ka “ United Khasi Hills Autonomous District Council.

Haba kren hapoh ka iing dorbar halor kane ka jingwan rah ka jong u CEM ka KHADC ia kane ka rai ban pynkylla na ka KHADC sha ka UKHADC, u la ong ba ia ka District Council la pynlong hapoh jong ka Sixth Schedule ha u snem 1952 ia kaba la tip kum ka United Khasi-Jaintia Hils District Council da kaba kynthup lang ia ki jaka jong ki Bilat bad ki 25 tylli ki hima jong ki syiem khasi.

Dei ha ka 23/11/1964 da kaba pynkylla ia ka paragraph 20 jong ka Sixth Schedule la wanrah ia ka ktien “Khasi Hills District” da kaba wengnoh ia ka kyntien “United”. Dei ha ka 23/06/1973 la wanrah ia ka Khasi Hills Autonomous District Council.

Na ka liang jong u Bah Shylla u la ong ba la don kam ban pynneh pynsah ia ka ktien “United”  kumta u la kyntu ia ka iing dorbar ban pdiang ia kane ka “Rai” ia kaba la tip ruh kum ka “Resolution” ha ka ktien nongwei ban tip noh ia ka “KHADC” sha ka “UKHADC”.

Halor kane ka rain a pdeng ki 29 ngut ki MDC kiba la ai poi sha ka iing dorbar u ba la ai jingkren u dei u Bah PN Syiem ha kaba u la ong ba ia kane ka phang hap ban ia kren bha namar hangne ka bynta kaba kong san ka long ba baroh ki dei ki Khasi.

Haba batai ia kane ka jingmut ha kaba wanrah ia kane ka Rai, na ka liang jong u Bah HS Shylla u la ong ba, kum ka jaid bynriew kam dei ban klet iala ka jong ka thymmei. Ha u snem 1947 ba ka Ri India ka ioh ai ka jinglait luid, ka Ri Khasi ka don ar bynta, Ki Hima Khasi bad ki jaka ba la bat da ki British.

U bah Shylla u la ong yn nym lah ban shu tap noh ia kaei kaba la jia mynshuwa, ki long dien ki dei ban tip ia la ka jong ka thymmei ba kumno kine ki Hima Khasi ki poi sha ka Ri India bad kumno la pynwan dur lang ia ki jaka ba la synshar da ki Dohlieh, dei na kata ka daw ba la buh ia ka ktien ‘United’ namar la pynlong kawei ia ki hima khasi bad ki jaka ba la shah synshar haki British.

Ha kane ka sngi ka EC jong u Bah Shylla kala wanrah ruh sa kawei ka rai ha kaba ia deibad ka jingiakajia pud hapdeng ka jylla Meghalaya bad ka Assam, khamtam ki jaka ba hap hapoh jong ka KHADC, kum ka Block I, Block II bad kiwei kiwei ki jaka bad lyngba kane ka Rai ka long ban kyntu ia ka sorkar pdeng, ka sorkar Meghalaya bad ka sorkar Assam ban pynphai noh ia ka Block I, Block II sha Khasi Hills.

Halor kane ka Rai bun ki dkhot jong ka iing dorbar kila ia shim bynta, u bah Hedrian Lyngdoh, bah Victor Rani, Bah Albinus Lyngdoh, LG Nongsiej, B Basaiawmoit, kong ka Grace Mary Kharpuri, Lamphrang Blah, Pyniaid Syiem, Kimfa marbaniang, Morningstar Mawsor, Manstudy Nongrem. Ha dien ka jingiakren ka iing dorbar kala pdiang ruh ia kane ka rai.

Ia kine ki ar tylli ki rai na ka liang jong ka KHADC kan phah sha ka sorkar ba kan shim khia halor kine ki ar tylli ki Rai kiba la pdiang da ka iing dorbar jong ka KHADC mynta ka sngi.

What Next?

Recent Articles

Leave a Reply

Submit Comment

*