Shillong, Nailur 21: U Shongknor jong ka iing dorbar thawain ka jylla Meghalaya u Dr Donkupar Roy ha kane ka sngi sdang ia ka dorbar synrai u la pdiang sngewbha ia ki saw ngut ki MLA thymmai kiba la jop ia ka election MLA ka jong ki.
Ki saw ngut ki MLA thymmai ki long u Conrad K Sangma, u ba la tip na South Tura, wat la u la don hapoh ka iing dorbar kum u myntri rangbah ka jylla hynrei u dang dei u MLA thymmai u ba la jop ia ka election shiteng samoi, u Bah Pius Marwein na Ranikor, u Marcuise N Marak of Williamnagar and Smti Miani D Shira.
Ha kane ka sngi ka iing dorbar kala pynpaw ruh ia ka jingsngewlem ia baroh ki nongialam jong ka ri kiba la khlad noh ha kine ki hynriew bnai kiba la leit noh ha kaba ka iing dorbar kam pat shong dorbar. U myntri rangbah ka jylla u Conrad K Sangma u la pynpaw ia ka jingduh kaba khraw ia ka Ri ha kaba ia dei bad ka jingkhlad noh jong ki nongialam kiba la shakri ia kane ha ki bynta bapher bapher.
Na pdeng kiba bun kiba la khlad u myntri rangbah u la kren kyrpang na ka bynta u myntri rangbah duh ba rim jong ka Ri India u Atal Behri Vahpayee ka jingiadei ka iing ka sem jong u bad u ne u rangbah, u la kren halor u M Karunanidhi myntri rangbah ba rim ka jylla Tamilnadu, u Lat ba rim ka jylla u MM Jacob bad kiwei kiwei ki nongialam dei.
Nalor jong u myntri rangbah la kren ruh u Dr Mukul Sangma Nongialam ka liang pyrshah u ba la pynpaw ia ka jingsngewsih halor ka jingkhlad noh jong ki nongialam, u la kren halor u myntri rangbah ba rim ka jylla Tamilnadu ha kaba u la ong ba dei lyngba jong ka jingsaindur iaki seng trai ri, u la kdew ruh sha phang u Lat ba rim ka jylla u MM Jacob bad kiwei kwiei ki nongialam.
