Pdiang burom ia ka kynhun ialehkai ka skul H. Elias ba jop iaka Subroto Cup

Shillong, Nailur 20: Ka tnad ialehkai jong ka sorkar Meghalaya bad ka H Elias Higher secondary School mynta ka sngi kala pynlong ia ka jingpdiang burom ia ka kynhun ialehkai jong kane ka skul kaba la jop ia ka Subroto Cup 2019 kaba la long ha Delhi ha ka 17 tarik mynta u bnai.

U bah Banteidor Lyngdoh myntri ba dei peit ia ka tnad ialehkai jong ka sorkar jylla, ha ka jingkren jong u u la ong ba u dap da ka jingkmen ba ka jylla Meghalaya mynta kala paw ha ka jingialehkai kynjat ball da ka jingjop ia kane ka Subroto Cup 2019 pyrshah ia ka Ri Bangladesh.

Na ka liang jong u Bah Banteidor u la ong ba ka sorkar Meghalaya kala buh ia ka thong kaba ha khmat eh na pdeng ki jingialehkai baroh ka dei ka jignialehkai kynjatbol.  Ka sorkar kan pynlong ia ka jylla Meghalaya ka shem jong ka jingiallehkai kynjatbol.

Ha kane ka sngi la pdiangburom iaki rangialehkai bad ia ki nongialam jong ka kynhun ryngkat ki jingai sngewbha, ki Medal, ki syrnot, hapdeng ka jingiadon lang jong ki khynnah jong kane skul, ki briew na ka tnad ialehkai jong ka sorkar jylla.

Ha kane ka sngi la ai burom ruh ia ki rangialehkai kiba la leh bha ha katei ka jingialehkai bad kum ka kynhun hi baroh kawei kala ioh ruh ia ka khusnam kaba saw lak tyngka tyngkat ka kop.

Ha kane ka jingialehkai ha ka Subroto Cup 2019, ka skul H Elias kala jop pyrshah ia ka jylla Andra Pradesh, utter Pradesh, Maharastra, ia ka kynhun ialehkai jong Railway, ka jylla Assam bad ia ka Bokaro jong ka jylla Jarkhan bad ia ka Phainal ialehkai bad ka Bangladesh bad jop ia ka phainal.

What Next?

Recent Articles

Leave a Reply

Submit Comment

*