Shillong, Lber 06: Ka seng samla pule ka KSU mynta ka sngi kala leit ban pdiang burom ia ka kynhun ialehkai ka jylla Meghalaya kaba la poi sha ka phainal ha ka jingialehkai kynjat ball ba 76th jong ka Santosh Trophy kaba la long ha Riyadh ha ri Saudia Arabia.
Ka jingpdiang burom ka KSU ia ka kynhun ialehkai kynjat ball ka Meghalaya kala pdiang burom naduh Chhatrapati Shivaji Maharaj International Airport, Mumbai bad ha jylla kila pdiang burom naduh Byrnihat.
Ka KSU ha ka sngi ba jylla Meghalaya ka ialehkai haka phainal bad ka Karknata kala buh haduh khatwei tylli ki jaka peit kai ba ki paidbah kin ioh ban peitia kane ka jingialehkai ha kaba ka Karnataka kala thep 3 kol bad ka jylla Meghalaya kala the par kol.
Kane ka jingpoi phainal ka Meghalaya Football Team sha ka pahinal ka dei ka burom ia k jylla bad khamtam ia ka jaidbynriew khasi, ka KSU kala pyndiang burom ia ki ryngkat ka jingiaid paidbah da ki kali naduh Byrnihat.
