Shillong, Lber 24: Mynta ka sngi ki paidbah jong ka Garo Hills kila pynlong ia ka jingpdiang burom ia u Conrad K Sangma myntri rangbah ka jylla ha ka jingleit iuhkjat ka jong u sha Garo Hills ha dien ba ka parti NationalPeople’s Party kala ia lam ia ka sorkar ha kane ka jylla u myntri rangbah jong ka jylla.
Ia kane ka jingpdiang burom ia u myntri rangbah ka jylla la leh ha ki ar tylli ki jaka, ha Resubelpara bad ha Tura ha kaba ki paidbah jong katei ka thain kila ia mih ban pdiang burom ia u Conrad kum u myntri rangbah jong ka jylla. La pdiang sngewbha ia u da ki nong kyrshan ka seng NPP ha kitei ki ar tylli ki jaka.
Ia ka jingpdiang burom ia u myntri rangbah ka jylla la pynlong nyngkong ha North Garo Hills ha Resubelpara bad ha dien kata la pynlong ruh ia ka jingpdiangburom ia u myntri rangbah ha Tura ha kaba bun paidbah kila ia poi sha kine ki ar tylli ki jaka ba pynlong ia ka jingpdiang burom ia u myntri rangbah ba thymmai ka jylla.
