Shillong, Naiwieng 16: U State President jong ka party BJP ha Meghalaya u bah Ernest Mawrie la iathuh ba wat ha pdeng ki jingpyrshang ba bun rukom mynta ka sngi u Bernard Marak u la lait jamin na phatok.
Haba kren halor kane ka jinglait jamin u Bernard la ong ba ka jingkynnoh pyrshah ia u ka long ba kam don kano kano ka jingpynshisha bad la kynnoh ba ka dei tang ka buid politik jong u myntri rangbah ka jylla u Conrad K Sngma.
Kane ka jingleh baroh ka long namar ba u Bernard u la kiew ha ka sain pyrthei ha pdeng ki paidbah ha Tura Konstitwensi, u nongialam ka BJP u la kynthoh ba ki briew jong ka jylla kin pynhap ia kane ka sorkar NPP ha kane ka sorkar ban wan.
U bah Ernest Mawrie u la kyntu ia u Conrad ba u dei ban ia khun ia ka MLA election 2023 tang na Tura Konstitwensi bad ym dei ban ia khun na ki ar tylli ki konstitwensi ban ia khun pyrshah ia ka bor jong u Bernard ha katei ka jaka.
U President ka BJP u la pdiang sngewbha ia u Bernard bad u la ong ba u kot bok ba un lait noh ka jingjia kaba ktah ia u ha ka jingdon ha phatok ha kine ki sngi bad u la kyntu ba u Bernard un dang ia khun pyrshah ia kine ki kam bamsap.
