Shillong, Naitung 21: Ki paidbah jong ka jylla Meghalaya ki dei ki briew kiba ieit ia ka jingialehkai kynjat bol. “Nga kwah ban iohi ba ka jylla Meghalaya kan long ka pdeng ban pynmih ia ki rangialehkai kynjat hapoh jong ka Ri” la ong u Dr Mukul Sangma myntri rangbah ka jylla.
Ia ka kot kdew kynti kumno ban iaid sha khmat ha kane kakam ia lehkai ymsa pynlait paidbah la shai ka sngi ha ka sngi ban plie ia kane ka mission football. Ka jingthmu jong kane ka mission football ka long ba jied ia ki khynnah kiba don ka jingtbit ha kane ka jingialehkai naduh ba ki ki dang khynnah.
Ban pynurlong ia kane ka jingthmu jong ka sorkar sorkar, ka long ba ka sorkar mynta kan ai jingiarap ia ki club, kaba ki hap ban sdang naduh ki shnong ki thaw, ha ki block, ha ki District bad ha ka kyrdan jong ka jylla. Ka jingiarap kaba ka sorkar kan ai kan long nyngkong ia kito ki jaka ba la don lypa ban pynbha ia ki.
Haba ia dei bad kane ka sorkar kala buh ia ka jingmang pisa T.560 klur tyngka bad ia kane ka pisa la tip ruh kum ka pisa noh syniang na ka liang jong ka sorkar sha ki club. Ka sorkar kan ai jingiarap haduh 30 % na ka jinglut ha kaba shna ia ki jaka ialehkai bol bad ka jingiarap kan kut haduh T.75 lak tyngka. Ka sorkar kan nym ai jaka hynrei kiba kyntiew ia kane ka kam kin hap thied hi ia ka jaka.
Ka sorkar ka plie ka lad ia ki company bad ia ki riew shimet lada ki kwah ban buh ia ki jaka ai jinghikai ha ki kam ialehkai kynjat bol. Ia kane ka mission football ynsa plie la shai ka sngi ha Madan polo ha kaba ki nongialehkai kynjat bol bat bit tam jong ka Ri India kin ia lehkai bad ki nongialehkai kynjat bol bat bit tam jong ka ka dong shatei lam mih ngi jong ka Ri India kane ka jingialehkai kan long ha ka por 5 baje jan miet ha Polo.
