Shillong, Rymphang 28: Ka High Power Committee (HPC) hapoh ka jingialam jong u shongknor ka iing dorbar thawain ka jylla Meghalaya kala shong ban ia kren mynta ka sngi ha kaba ia dei bad ka iing dorbar thawain jong ka jylla Meghalaya. Ha kane ka jingiashong jingialang kala pdiang ban tei noh ia ka iing dorbar ha Mawdiangdiang bad yn pyndep ia ka hapoh ka lai snem.
Haba kren ha ki lad pathai khubor u myntri rangbah ka jylla Meghalaya u Conrad K Sangma u la iathuh ba ka jinglut ban tei ia kane ka iing dorbar kaba thymmain kan long T.145 klur tyngka bad na ka liang jong ka sorkar kan sa pan jingiarap na ka sorkar pdeng bad kum juh na ki lad ki lynti kiba ka jylla ka don, la ong ba ka sorkar kan sa ai noh ia ka pisa ban ioh sdang noh ia ka jingtrei.
Ha kane ka sngi la jied ruh ia ka kompnei Rastriya Nigam Private limited kaba dei ka kompeni jong ka sorkar Utter Pradesh ba kan trei ia kane ka kam ban tei ia ka iing dorbar thaw ain jong ka jylla Meghalaya ia kaba la sah teng mynta la bun bun snem la ong ba ha u snem 2022 ka jylla kan sa rakhe ia ka jingdap 50 snem kane ka iing dorbar ruh ka dei ban dep.
U Dr Mukul Sangma nongialam ka liang pyrshah u ba dei u dkhot jong ka HPC, u la ong ba kane ka jaka ban tei ia kane ka iing dorbar kaba thymmai ka dei ha Mawdiangdiang jong hospital NEGHRIHMS bad ka jingheh kane ka jaka ka long 88 akar. Na ka liang jong ka HPC kan sa budien bha ia kane ka kam ymt ang ban kloi ka kam hynrei ka jingtrei ruh ka dei bna long kaba bha.
Ki dkhot jong ka HPC kiba la ia don lang nalor u Dr Donkupar Roy kum u sharman ka HPC, u Myntri rangbah ka jylla u nongialam ka liang pyrshah la don lang u myntri ka tnad shna iing u Bah Comingone Ymbon, u Bah Prestone Tynsong symbut myntri rangbah ka jylla, u Deputy Speaker u Timothy D Shira, bad u bah Reniktone Tongkhar MLA.
Ban pynkynmaw ba ka iing dorbar thawain ka jylla kala pluh ha u snem 2001 bad mynta kala iaid 18 snem ha kaba yn shym al lah ban tei ia ka iing dorbar kaba thymmai, da kane ka rai jong ka HPC kaba la shim mynta ka sngi ka jylla Meghalaya kan sa ioh ia ka iing dorbar ba pura namar ia mynta la shuh pynlong ha ka hall jong ka tnad Art and Culture ha Rilbong.
