Shillong, Jymmang 28: U Myntri Rangbah ka jylla u Conrad K Sangma u la iathuh ba na ki lai tylli ki IIT ha India kaba kila thoh ban jurip ia ka jingkhyllem ka Doe jong ka iing dorbar thawain ka jylla, na ki lai tylli ka IIT Guwahati kala pdiang ban wan jurip.
U Myntri Rangbah ka jylla u la pynsngew ba ka kynhun na ka IIT Guwahati kan sa wan ha kane ka taiew ban wan ban sdang ban jurip halor ka jingtwa ka Dome jong ka tnmu ka iing dorbar thawain ka jylla kaba dang shna thymmai ha Mawdiangdiang.
Ka jingtwa ka Dome jong ka iing dorbar thawain ka jylla ka long ha ka 22nd Jymmang 2022, halor kane ka jingjia u Lamphang ka ing dorbar thawain ka jylla u Bah Metbah Lyngdoh shuwa ba kan shong jingialang ka High Power Committee ruh ula ong ba dei ban jurip da ka kynhun kaba lai ban lai ia ka jingshsha.
Ha ka jingialang jong ka High Power Committee kala kala pdiang ia ka jingtyrwa jong u Lamphang ka iing dorbar ban phah tohkit ha ka kynhun kaba lai ban lap ia ka daw ba kumno ka Dome jong ka iing dorbar thawain ka jylla ka khyllem.
Kane ka jingtohkit kan long ban shem ia ka daw tynrai balei kane ka Dome ka khyllem, hato bymbiang ka jingdro, bym trei bha Kontraktor, na ka jingbakla na ki nongpeit ia kane ka jingtrei, kine baroh kin sa shai ynda ka IIT Guwahati kan ai ia ka kaiphot sha u Lamphang ka iing dorbar.
