Pdiang ka kabinet ban thung ia u Dr Manuj Sadhuar kum u OSD jong u Lat ka jylla

Shillong, Naiwieng 30: Ka jingalang jong ka kabinet kaba la long shnong mynta ka sngi kala pdiang ia ka jingpan jong u Lat ka jylla u Ganga Prasad ban thung ia u Dr Manuj Sadhuar ba un long kum u Officer on Special Duty (OSD) hapoh Raj Bhavan Shillong.

Ka jingsiew ia u ne u OSD kan long beit T.50000/- tyngka ha ka shibnai. Haba jubab ia ki jingkylli u Myntri rangbah u la ong ba ka sorkar kam juh kyntait ia kaei kaba u Lat jong ka jylla u kwah bad kane ka dei ka rukom kaba juh leh na ka por sha ka por.

Kawei pat ka rai kaba ka kabinet kala shim mynta ka sngi ka long ba kwan rah ia ka Bill ha kaba ia dei bad ka jingpynduna ia ka tulop jong ki MLA, namar kane kala trei kam tang ba ka dei ha ka dur jong ka jingpynbna sorkar lada ym wanrah hapoh ka iing dorbar kane ka jingpynbna sorkar ka iap noh.

Na ka liang jong ka kabinet kaba la long mynta ka sngi kala shim ia ka rai ba ia kane ka jingpynbna sorkar yn wanrah noh hapoh ka iing dorbar ha kane ka dorbar tlang ban pynlong noh ia ka kum ka ain ba pura la ong u myntri rangbah ka jylla u Dr Mukul Sangma.

Ia kane ka rai ban pynduna ia ka tulop jong ki MLA la shim ha ka jingialang jong ka kabinet ha kaba ki MLA kin ioh noh ia ka sa tang T.2.02 lak tyngka na ka T.2.10 laj tyngka ha ki shibnai bad ban leh ia kane la don kam ban pynkylla noh ia ka sha ain da kaba wanrah ia ka bill hapoh iing dorbar.

What Next?

Recent Articles

Leave a Reply

Submit Comment
*