Shillong, Jymmang 10: Mynta ka sngi ha ka jingialang ka kabinet kala pdiang ia ka jingpynbeit ryntih ban pyntrei kam ia ka bha thungkam ha ka jylla kane ka dei ka phang pdeng kaba ka kabinet kala ia kren mynta ka sngi.
U Myntri rangbah ka jylla u Conrad u la ong ba ia kane ka rai jong ka kabinet yn ai sha iing bishar la shai ka sngi, kane ka dei ka kam kaba eh shisha bad nangne sha khmat ka sorkar kan pyntrei kam ia kane ka jingbuh ryntih ia ka rukom thung kam.
Kane ka jingbuh ryntih ia ka rukom thung kam hapoh ka bhah thungkam jong ka sorkar ka long katkum ki jingkhein bad u la ai nuksa ba lada don 25 tylli ki kam ba lait, kawei ka kam kan leit sha kiba duna ki dkhot met kane ka dei ka nuksa.
Mynta ka sngi ka Kabinet kala pdiang ruh ia ka rai ban buh ia ka “Model College” ban buh ha Ptharkhamah, ha kane ka juh ka sngi la pdiang ruh ia ka rai ban thung kam hapoh katei ka college.
Kawei pat ka rai kaba ka kabinet kala pdiang ka long halor ka jingpynbna sorkar ia kaba la tip kum ka “Meghalaya Human Immunal Deficiency Virus syndrome 2020” kitei ki dei ki lai tylli ki rai kiba la pdiang hapoh ka jingialang jong ka kabinet mynta ka sngi.
