Pdiang ka Lok Sabha ia ka CAB,2016, la shai ka sngi kan rai Rajya Sabha, ap ka NESO

Shillong, Kyllalyngkot 08: Ka Khasi Students’Union (KSU) ka ai khublei ia baroh ki paradoh parasnam ka Bri U Hynñiewtrep halor ka jingkyrshan kaba radbah ka jong ki halor ka jingkhot pakhang shnong ka NESO bad ka KSU mynta ka sngi ka 8 tarik Kyllalyngkot 2019.

Katkum ka jinglong jingman mynne ka sngi ka seng ka la sakhi ba baroh ki Khasi ki sngewthuh ia ka jingma kaba ap lada pynkylla aiñ ia ka Citizenship Amendment Bill 2016. Ka Bri U Hynñiewtrep lem bad ka thain shatei lam mihngi kam dei ka jaka ai basa ia ki poiei ba ai sertiphiket u Narendra Modi.

Mynta ka sngi ka Lok Sabha ka la pdiang ia ka Citizenship Amendment Bill 2016 hynrei ka seng ryngkat bad ka NESO kan ap pat sa ia ka rai jong ka iing ba kham halor ka Rajya Sabha ka ban long lashai ka sngi.

Kumta ka seng ka kyntu ia ki paradoh parasnam ki Khynriam, ki Pnar, ki Bhoi, ki War, ki Maram bad ki Lyngngam ba kin long kiba iaishah ha kine ki khyndiat sngi namar hadien kane ka 8.01.2019, wat lada yn ym don jingiakhih eiei ha ka Bri U Hynñiewtrep naduh lashai ka sngi.

Ka seng ka kyntu ia ki paradoh parasnam ban peit pyrman bad ap ia ka rai jong ka seng kmie ka NESO kaba kdup lang ia ka KSU ynda ka la pynbna biang ia ki jingiakhih kiba kham tyngeh.

 

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet