Pdiang ka party Congress ban kyrshan ia ka ILP ha ka dorbar kyrpang:COMSO

Shillong, Nohprah 18: Ka kynhun ki seng bhalang hapoh jong ka lama COMSO kila ia kynduh ia ka party Congress mynta ka sngi ha MLA Hostel ban pan ia ka jingkyrshan ha kane ka dorbar ba kyrpang ba kin pdiang ia ka rai jong ka sorkar ban pyntrei kam ia ka ILP ha ka jylla.

Haba kren ha ki lad pathai khubor ha dien ka jigniakynduh ia ka party Congress u bah Robertjune Kharjahrin lamphang ka COMSO, u la iathuh ba ha kane ka jingiakren na ka liang jong ka seng Congress kala ai ka jingkular ba kan kyrshan ia ka rai ban wan rah ka sorkar ban pyntrei kam ia ka ILP ha kane ka jylla Meghalaya.

U bah Robert u la ong ba lada ka ILP ka trei kam ha kane ka jylla Meghalaya ka CAA kan nym trei kam shuh ha kane ka jylla Meghalaya. Ynda la trei kam ia ka ILP ki briew ki ban wan sha India lada ki wan sha kane ka jylla Meghalaya la lah ban khang ia ki.

Ha ka juh ka por na ka liang jong ka COMSO ka kyntu ruh ia kiwei ki seng sain pyrthei lada kim lah ban ia kynduh hynrei ki kyntu ia ki ba kin ai ka jingkyrshan ia ka rai ban wan rah ia ka ILP ha kane ka jylla Meghalaya.

U bah Robert u la ong ba lada lah ban ia da na ka jingwan ki briew ba na shabar kan ktah ruh ia ka ioh ka kot, namar kumba ka long mynta tang ia ki briew kiba ka jylla kala don ruh kam lah ban iarap dei na kane ka daw ba ki don shibun ki long iing kiba duk lada wan shuh shuh ki briew kan ktah ia ka ioh ka kot ka jong ka jylla.

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet