Shillong, Naitung 19: U ksiang bala thung da ka seng lehnoh Hynniewtrep National Liberation Council (HNLC) u bah Sadon Blah mynta ka sngi u la iathuh ba ha ki jingiakren kiba la long lai sien lai wat u ksiang jogn ka sorkar jylla u bah Peter S Dkhar u la pyntip ba ka sorkar kala pdiang ban ai lynti ia ki dkhot jong ka HNLC ban ia pynbeit ia ka jingiakren ia suk.
Haba kren ha ki lat pathai khubor mynta ka sngi ha Shillong Press Club u ba Blah la iathuh ba ha kine ki lai sien jong ka jigniakren na ka liang ka sorkar la don u bah Peter, na ka liang jong ka HNLC la don u Political Secretary bad u Secretary kam bar ri bad na ka liang jong u.
Ha kane ka jingiakren ka long ba la ia mynjur ba ka sorkar kan ai lynti ia ki dkhot ka seng HNLC ban ia pynbeit ia kane ka jingiakren ia suk, wa la na ka sorkar pdeng ym shym don ba mih khmat sha kine ki jingiakren kiba la long lai sien hynrei ka tnad kam poh ing kala phah da ka jingthoh ban iaid sha khmat bad kane ka jingiakren ia suk.
Ha kine ki jingaikren kiba lai sien kala don ka jingiamynjur na ka sorkar pdeng, ka sorkar jylla bad ka seng HNLC bad kata ka jingiamynjur ka long ban ai lynti ia ki dkhot ka seng HNLC ba kin wan sha Meghalaya ka dei jong ka Ri India, kane ka long ba ki nongialam ka HNLC ki ban ia bynta ha ka jingiakren ia suk kin wan khlem kano kano ka jignshah pynwit.
Ia kiwei pat ki jigniakren kin sa bud dien ha dien ba la ai ia kane ka lynti ba kin wan sha Meghalaya la kin sah ne kin leit, ha dien ba kila ioh ia ka jingbit kin nongialam ka seng HNLC kin sa wan ban ia skhim bynta ha ka jingiakren ia suk bad ia ki mat kaba ki kwah ban buh ha ka sorkar.
