Shillong, Naitun
g 19: Ki khat lai tylli ki seng bhalang mynta ka sngi pdiang ia ka jingklur jong u myntri rangbah ban pynsted ha kaba buh noh ia ki jaka ruk bad ki jaka mih jong ki briew kiba na bar kiba wan sha ka jylla ha ka bynta kaba nyngkong.
Haba kren ha ki nongthoh khubor ha dien ka jingiakynduh bad u myntri rangbah ka jylla u Bah Daniel Khyriem president ba rim jong ka KSU u la ong ba na ka liang jong ki seng bhalang ki pdiang ia ka jingkular jong u myntri rangbah bad kumba ki la ong ba ka jingiakren mynta ka sngi kam dei shuh ban long tang ka jingialang ban tip haduh katno kala poi hynrei ka dei ban don ka por.
Ha ka jingialang na ka liang jong u myntri rangbah u la ong ba ia ki rule kiba ia dei bad ka Meghalaya Safty bad Security Act yn sa pynmih noh shwa ban rakhe ia ka sngi laitluid jong ka Ri India bad ha kaba ia dei bad ki Rule kiba ia dei bad ka Jingkhang ia ka jingiakhaii beain ha ka kyrteng jong ki trai jylla yn sa pynmih ha dien jong u Naitung.
U Bah Sadon Blah jong ka seng HNYF, u la ong ba ia mynta kin ia peit shuwa haduh katno kine ki ar tylli ki ain ki lah ban khanglad ia ka jingwan tuid jong ki briew kiba na bar bad lada dang don jingduna ruh kin sa lah ban pynbha ia ki, na ka liang jong ki seng kila pan kotpi ia ki rula kiba ka sorkar kan shna ba kin dup lah ban ai jingmut.
Haba ia dei bad ka jingdawa ILP na ka liang jong ki seng bhalang kila ong ba ia kane ki hap ban ia kren hala ka jong ka jong ka seng, hynrei kumba ka long mynta kine ki ar tylli ki ain ki lah ban iada na ka jingwan tuid ki briew kiba na bar. Halor ka jingslem ban pyntrei kam kim ong ka slem ne em hynrei kila iohi ba ka sorkar kala leh shitom ban pynurlong ia kane ka jingdawa jong ki seng bhalang ban iada na ka jingwan tuid jong ki briew bana bar.
U Bah Lambokstarwell Marnger president jong ka KSU u la ong ba ka jingdawa ILP kam pat kut na ka seng KSU hynrei ka dang dei hi kawei na ki mot jingdawa jong ka seng.
