Pdiang sngew bha ka BJP ia ka jingkhot u Modi ia u kpa bakhuid ban wan sha India

Shillong, Naiwieng 20: Ha ka jingialang jong ka State Executive Committee jong ka BJP Meghalaya State Unit da kawei ka sur kala pdiang ia ka jingkhot sngewbha u Myntri Rangbah duh jong ka Ri u Narendra Modi ia u kpa bakhuid Pope Francis sha India.

Ha kane ka jingialang ka party BJP kala shim ia ka rai ban ai ka jingkyrshan ia kaei kaba u myntri rangbah duh u angnud bad kata ka long ban pynlong ia ka Ri India kaba dap bad ieng hala ki jong ki kjar bad ia kane ka party kan pynsawa sha ki paidbah ka jylla.

Ka jylla kan sa rakhe ia ka jingdap 50 snem ha u snem 2022, ka sorkar pdeng kala bei shibun ki skhim pynroi na ka sorkar sha kane ka jylla, na ka liang ka party kan trei shitom ban ialeh ban ban pynsaphriang ia ka jingiatylli kawei bad kum ka party kan ia leh ban pynphriang ia kane lyngba ki lat pathai khubor.

Ha kane ka jingialang la ia krne halor ka jingkynnoh ka party Congress ia ka BJP ba ka dei ka party ba ia shah niam, haba ia dei bad kane ka BJP ka pynshai ba kum ka party ka dei ka party kaba burom ia baroh ki jaitniam kiba don ha kane ka ri, kum ka party ka ieng halor ka nongrim ba ka burom ia baroh ki niam.

Ha kane ka jingialang la pynkynmaw ba ka thong jong ka party ka long ban kyntiew ia ka roi ka par ha ka Ri bad ka jylla baroh kawei, haba ia dei bad ka jingbym treh ki briew ban ai Tika na ka liang jong ka BJP kala shim ia ka rai ban shim ia ka bynta ban pynsngewthuh ia ki paidbah ban pdiang ia ka jingai Tika. Haba ia dei bad ki skhim ba ka party kala pyntrei kam ki dei ban pynthikna ba kin poi sha ki paidbah.

Na ka liang jong ka party ka ai ka jingkhublei kaba kyrpang ia u myntri rangbah duh jong ka Ri India u ba la kner ia ki jingiarap sha ki paidba kane ka ri India kiba la ioh ia ka jingiarap da u khaw khang ba ki paidbah kin nym shem jingeh ban ioh ia ka bam.

Ia ka jingialang la pyniaid da u bah Ernest Mawri ha ka jingiadon lang u ChubaAo State Prabhari bad National Vice-President, u bah  A.L Hek dkhot jong ka National Executive lem bad ki nongkit kam ka party na ki District bapher bapher jong ka jylla ha kaba kila ai ia ka kaiphot.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet