Shillong, Jymmang 09: Ka Dorbar shnong Mission Compound mynta ka sngi kala pynlong ia ka jingpdiang burom ia ki Doktor bad ki nongtrei kiba trei hapoh ka Bethany Hospital Shillong. Ia kane ka jingpdiang burom la pynlong ha phyllaw jong ka iing dorbar jong ka shnong.
Na ka liang ka shnong kala pdiang burom ia baroh ki nongtrei ka Bethany Hospital kynthup ia u Dr Kyntiewlang Sanmiet, Dr Pyntylilang Sanmiet bad ka Ianiewkorlang Shylla. Ha kane ka jingpdiang burom la pynlong ruh ia ka jingduwai.
Ha kane ka sngi na ka liang jong ka shnong ialam da u Bah Don War bad kiwei ki nongkitkam jong ka shnong kiba la ia don lang ban pdiang burom ia ka jingwan jong kitei ki Doktor bad ki nongtrei kiba dei ki nongshong shnong jong ka shnong Mission Compound Shillong.
