Shillong, Risaw 26: U W
orking president jong ka Meghalaya Pradesh Congress Committee (MPCC) U Bah James Lyngdoh mynta ka sngi u la pdiang ia u Bah Himalaya Shangpliang sha ka seng Congress ha ka jingialang paidbah kaba la long ha Congres Bhavan ha kaba da ki spah ngut dkhot jong ka Mawsynram Block Congress Committee (MBCC) kila ia poi sha kane ka jingialang.
Ha ka jingkren pdiang burom ia u Bah Himalaya sha ka seng Congress u Bah James u la ong ba ka jingwan jong une u rangbah sha ka seng Congress ka dei ka jingkyrkhuh ia ka party hi baroh kawei. U la ong ruh ba kam don kano kano ka jingar tatien ba ka seng Congress kan dang jop biang na ka Mawsynram Contieuncy ha ka MLA Election 2018.
Na ka liang jong u Working President, u la ong ba ka jingiakhun ia ka MLA Election ha u snem 2018 kam dei bad ki seng reiwlum hynrei ka jingiakhun ka long bad ka party BJP. Ka seng Congress kala iohi ba ki seng riewlum ki ia don lang bad ka party BJP ha ka North East Democratic Alliance (NEDA).
Haba phai sha ka seng thymmai ka seng People Democratic Front (PDF) na ka liang jong u Bah James u la ong ba ka sorkar pdeng kala bei tyngka T.1333 klur sha ka KHADC, kha pynbam da ka PDF bad ka jingiasam ia kane ka pisa na ka bynta ki skhim MDC ka don ka jingiapher ha pdeng jong ki, hynrei ka sorkar Congress ia ka MLA skhim la sam lang mar kum juh khlemd a peit party.
Ha ka jingkren jong u bah Himalaya Shangpliang ha dien la dep ban pdiang sha ka seng Congress, u la ong ba ka jingkwah jong u ban rung sha ka seng Congress kam dei mynta, hynrei ka la long naduh ki por kiba u dang khynnah bad kane ka jinganud kala urlong mynta ka sngi.
Haba phai sha ka Mawsynram Constituency u la ong ba ka Mawsynram Constituency ka dei ka Constituency kaba dang sah dien na baroh ki constituency la ka long ha ka koit ka khiah, ka liang jong ki surok bad kum juh ha ka liang jong ka pule puthi. U la kyntu ia baroh ki dkhot jong ka seng Congress na ka MBCC ban ia treilang ban wanrah ia ka jingjop kaba don burom ha u snem 2018 bad khlem ar tatien da ka jingiatreilang kin poi sha ka jingjop.
Kiwei kiba la don lang ha kane ka sngi ban ia sakhi lang ia kane ka sngi, ki long u Bah DP Iangjuh u ba dei u MLA barim jong ka Constituency, u Bah Soly Lyngdoh secretary jong ka DCC East Khasi Hills, u Bah K. Lyngkhoi, ki president bad secretary jong ki Unit na ka Mawsynram Constituency.
Na ka liang jong ka MPCC kiba la ia don lang ki long nalor jong u Working President, ki long ka kong Joplin Shylla President jong ka MMPC, u Dr Das Gupta Secretary, ka MLA jong ka Chockpot ka Blubell R Sangma bad kiwei kiwei ki nongkit kam jong ka party.
