Peit bniah u Myntri Rangbah duh ia ki lad ban ialeh pyrshah ia ka jingeh ka khlam Covid

New Delhi, Naiwieng 29: U Myntri Rangbah duh ka ri, u Narendra Modi ha ka sngi Saitjain u la leit sha 3 tylli ki nongbah ban peit bniah ia ki kam ba iadei bad ka jingpynmih ia ki dawai ha kine ki jaka.

U la leit sha Zydus Biotech Park ha Ahmedabad, Bharat Biotech ha Hyderabad bad Serum Institute of India ha Pune. Artylli na kine ki jaka kidei kiba pynmih ia ki dawai ba shna hi ha ka ri ban iakhun ia ka COVID bad ka jaka kaba lai kadei kaba pynmih shibun ki dawai.

Ha kane ka jingleit, u Myntri Rangbah duh ka ri u la iathuh ia ki riewstad science (scientist) ba u la rai ban iakynduh markhmat ia ki khnang ban pynshlur ia ki bad ban pynsted ia ki kam jong ki ha kane ka por kaba kongsan bha ha ka jingpynmih dawai.

U la ban ba ka India ka sngew ba ki dawai kim long kiba kongsan tang na ka bynta ka bha ka miat jong ka koit ka khiah hynrei kumjuh ruh na ka bynta ka bha ka miat ha kylleng ka pyrthei, bad kadei ka kamram jong ka India ban iarap ia kiwei kiwei ki ri, kynthup ia ki ri kiba marjan bad ngi, ha kane ka jingiakhun pyrshah ia u khniang jingpang.

Ka India ym tang ba ka ialam ia ki ri ka pyrthei ha ka kam wad bniah ia ki dawai hynrei kan long ruh ka jaka pynmih dawai ba kongsan na ka bynta ka jingpynmih dawai ha kylleng ka pyrthei.

Ha u bnai ban wan ki nongrah ktien (ambassador) jong 100 tylli ki ri kin wan jngoh ia ka Pune ha ka 4 tarik Nohprah, ha kaba kin leit jngoh ruh ia ka Serum Institute of India bad Gennova Biopharmaceuticals Limited.

Haduh ka 28 tarik Naiwieng, ka India ka don 6,731 tylli ki case ha ka shi million ka jingdon briew, kaba long kawei na ki ri ba duna tam kane ka jingpang.

Ha ka liang ka jingdon ki briew kiba khlad na kane ka jingpang ha ka shi million ka jingdon briew, ka India ka kham biang ban ia shibun ki ri kiba la kiew da kaba don 98 kiba iap na ka shi million ka jingdon briew. Haba ianujor bad ka USA ka don 813, Brazil 805, France 780, Spain 955, UK 846 bad Italy ka don 888 ki jingiap ha man ka million ka jingdon briew).

Ka jingdon kiba ioh ia ka Covid19 ha India ka la sdang duna. Na ka jingkiew bha kaba la jan kot 97,894 tylli ki case man ka sngi hapdeng u bnai Nailur, ha ka 26 tarik Naiwieng ki don 43,174 tylli ki case.

U Myntri Rangbah duh ka ri, u Narendra Modi u la ialam ia ka jingiakhun pyrshah ia kane ka khlam bad dalade hi u la peitngor ia ki jingkhein jong ka India man ka step naduh ba sdang u bnai Lber.

U la kyntu ia ki Myntri Rangbah ba kin iakren markhmat khlem ka jingtuklar u paidbah (khnang ban lait na ka jingleh politik) khnang ban sngewthuh ia ka jinglong jingman. U Myntri Rangbah duh u la ialam ia ka jingialang halor ka COVID -19 kumba shisien shi taiew ha kine ki 9 bnai ba la dep, bad bun kine ki dei khlem ka jingtuklar u paidbah.

U la iakren bad ki bynta bapher bapher jong ka imlang sahlang naduh ki nongsumar nongpang, ki nongialehkai, ki nongthoh khubor bad kito kiba pyniaid ia ki prokram radio, ban ai mynsiem ia ki ba kin pynsaphriang ia ki jingtip, ba u ioh jingtip na ki, ba un sngewthuh ia ki jingshem jong ki, bad ba un lah ban pyndonkam ia ki jingnang jingstad jong ki.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet