Pep ka kong Grace ban wan sha iing dorbar KHADC ban ia khun ia ka elekshon CEM

KHADCShillong, Naitung 13: Ka dei ka jingjia kaba nyngkong hapoh ka iing dorbar thawain jong ka KHADC ba ka kandidate kaba la tep kyrteng ban ia khun ia ka elekshon CEM hapoh jong ka KHADC ka kong Grace Kharpuri mynta kala sngi kala pep ban wan sha iing dorbar.

Kane ka jingpep kam dei tang ka kong Grace marwei hynrei baroh ki MDC kiba don sha ka liang jong ka kim shym la poi sha ka iing dorbar ban ia shim bynta ha ka elekshon ban jied CEM thymmai na ka daw jong ka jingresign noh jong u CEM ba rim u Bah Pynshngianglang Syiem.

Kane ka jingbym poi jong ka kandidate sha ka iing dorbar kala pynlyngoh ia ki para MDC kiba la ia poi sha ka iing dorbar ban ia shim bynta ha ka elekshon ban jied CEM thymmai hapoh jong ka KHADC. Kane jingjia kala long ka sien kaba nyngkong hapoh jong ka KHADC naduh ba la sdang ia ka KHADC.

Na ka liang jong ka Protem Chairman jong ka KHADC kala pyniaid sha khmat ia ka jingjied ia u CEM ba thymmai katkum ka jingbethah jong u Lat ka jylla bad kane ka jingbym poi jong ka kong Grace bad ka kynhun jong ka sha iing dorbar kala pynlong ia ka Protem Chairman ban pynbna ba u Bah HS Shylla u la jop khlem da don ba ia leh pyrshah.

What Next?

Recent Articles

Leave a Reply

Submit Comment
*