Phah iaka KHADC “Regulation bad Administration ka Land” Bill, 2021 sha ka Select Committee  

Shillong, Lber 02: Ka Executive Committee jong u bah Titosstarwell Chyne hapoh jong ka KHADC mynta ka sngi ha dien ka jingiakren hapoh ka iing dorbar kala phah ia ka Khasi Hills Autonomous District (Regulation and Administration of Land) Bill, 2021 sha ka ‘Select Committee’ ban dang peit bniah biang ia kane ka bill shuwa ban pdiang ia ka da ka iing dorbar.

U CEM jong ka KHADC ha shuwa ban pdiang ia ka jingkyrpad ban phah ia ka bill sha ka ‘Select Commitee’ haba kren hapoh ka iing dorbar u la ong ba ia kane ka bill la pdiang da ka iing dorbar ha u snem 2005 bad na ka liang jong u Lat ka jylla u la phah biang ia ka sha KHADC.

Halor kane ka juh ka Bill ka iing dorbar kala pdiang biang ha u snem 2020 bad na ka liang jong u Lat ka jylla u la pynphai biang ia kane ka Bill bad mynta la wan rah biang ia kane ka Bill, kam dei kaba ka EC ka kwah ban leh kyrkieh hynrei ka dei kaba la sah teng mynta la 15 snem.

U bah Titosstarwell u la ong ba “ Lada nga kwah ban pdiang noh ia kane ka bill nga lah namar nga don ia ka jingbun briew ha iing dorbar, hynrei ngam dei u CEM ban leh da ka bor, nga pdiang ia ka jingkyrpad ki liang pyrshah ban rah ia kane ka bill sha ka select committee”.

Ka jingrah ia kane ka Land Bill sha ka select committee kan long shiphew sngi bad hapoh katei ka por ka select  committee ka hap ban wanrah ia ka kaiphot sha ka iing dorbar  ia kaba yn sa khot ia ka dorbar ba kyrpang ban pdiang ia kane ka Land Bill.

Ia ka jingpnykylla ia kane ka Bill la wan rah da u bah Bajop Pyngrope MDC ka Congress na ka liang pyrshah bad la kyrshan da u bah PN Syiem, Bah RV Lyngdoh, Lamphrang Blah nongialam ka liang pyrshah bah Charles Marngar bad na ka liang synshar la kren da u bah Bindo M Lanong.

 

What Next?

Recent Articles

Leave a Reply

Submit Comment

*