Phah jingiarap ka Rotary Club Shillong sha ki lanot shlei um sha West Garo Hills District

Shillong, Nailar 12: Ka Shillong Rotary Club Shillong mynta ka sngi kala phah ia ki jingiarap sha u Deputy Commissioner jong ka West Garo Hills District na ka bynta ki lano kiba la ngat ha ka jingshlei um na ka daw jong ka jingslap jur jong ka suin bneng.

Haba kren ha kane ka jingialang u AG Rtn K.S. Elangbam u la ong ba ka kam jong ka Rotary ka long ban iarap ia ki briew kiba don ha ka jingeh khamtam ha ka jingshah pynjulor ha ka mariang.

La ong ba kum ki dkhot jong ka Rotary Club kan long kaei kaei kaba sngew tynnad ba kum ki dkhot kila ioh ban iarap ia ki briew kiba shem lanot bad kaba kham sngew tynnad ka long ka jingiarap kaba phim tip kiei kita kiba don kam ia ka jingiarap.

Ki jingiarap kiba kum ka kynhun kan phah sha u DC jong ka West Garo Hills ki long ki jain phong ba dang thymmai ki juti, ki jingbam khunlung bad ki Daipers na ka bynta ki khynnah.

Ha ka jingkren ka President jong ka Club kala pynpaw ia ka jingsngewnguh ia ki dkhot jong ka seng kaba ki la lah ban noh da ka jingkylluid mynsiem ban phah ia kitei ki tiar sha ki briew kiba don ha pdeng ka jingeh khlem da pyndon kam ia ka pisa jong ka club.

Ki kynhun kiba don hapoh jong ka Rotary Club kiba ia don lang ha kane ka sngi ki long ka IWC Shillong, Rotaract Club Pine City ka Rotaract Club Womens’s. Baroh ki dkhot jong kine ki khynhun kila kren ha kane ka jingialang bad kila pynpaw ia ka jingsngew kmen ba kin ioh ia kane ka lat ban iarap ia ki lanot. Ia ka jingialang la pynlong ha Shillong Club.

 

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet